जनकपुरधाम, चैत १ : जनकपुरधाम उपमहानगरपालिका वडा नं. १ धर्मवान टोलमा गठन भएको श्री कृष्ण युवा कमिटिको नव नियुक्त पदाधिकारीको सपथ ग्रहण कार्यक्रम सम्पन्न भएको छ । कार्यक्रम आन्तरिक मामिला तथा कानुन राज्य मन्त्री सरोज सिंह कुशवाहाले सकारात्मक समाजिक गतिविधीमा युवाको भूमिका महत्वपुर्ण हुने र जनकपुरधामको विभिन्न वडामा भइरहेको यस्ता गतिविधीहरु सकारात्मक सुचक रहेको बताए । युवा देशको मेरुदण्ड रहेको युवा एक जुट भएँ देश,प्रदेशको विकासमा प्रगती हुने समेत राज्यमन्त्री कुशवाहाको तर्क थियो । युवाको विकाशको लागि आफू सवै सहयोग गर्ने समेत उनले प्रतिवद्धता जनाए । श्री कृष्ण युवा कमिटिका साथै नव नियुक्त पदाधिकारीहरुलाई शुभ कामना समेत दिएका छन् ।
सरसफाई देखि विभिन्न समाजिक सुधारको उद्देश्यका साथ स्थापना भएको कमिटिको सो कार्यक्रममा राजपाका प्रमुख सचेतक प्रदेशसभा सदस्य परमेश्वर साह, प्रदेशिक अस्पतालका अध्यक्ष संजय सिंह, वडा नं. १ का वडा अध्यक्ष सत्रुधन साह लगायतका व्यक्तिहरूको उपस्थिति रहेको थियो ।
फेसबुकबाट तपाईको प्रतिक्रिया !