काठमाडौं,जेठ २९ गते बिहिवार ।
प्रधानमन्त्री केपी शर्मा ओलीले नेपाली सेना राज्यको महत्वपूर्ण अंग भएको बताएका छन् । बुधबार प्रतिनिधिसभामा सांसदहरुको प्रश्नको जवाफ दिँदै प्रधानमन्त्री ओलीले कोरोना भाइरसको महामारकिा समयमा राज्यका सम्पूर्ण अंग परिचालन गरिएको बताएका छन् ।
‘राज्यका सम्पूर्ण अंगलाई हामीले परिचालन गरेका छौं । जो जति सम्बन्धित छ । सेना एउटा संगठित अनुशासित संस्था हो । र त्यो संस्थालाई हामीले यस्तो कठिन परिस्थितिमा गर्नुपर्दछ’, उनले भने ।
त्यस्तै सांसदहरुले सेनालाई व्यवसायीक नबनाएर व्यापारिक बनाएकोमा प्रधानमन्त्रीलाई प्रश्न गरेका थिए । जवाफमा प्रधानमन्त्री ओलीले भने, ‘यसअभन्दा अगाडि सेनाले प्लेन पनि किनेको छ । हतियार पनि किनेको छ । बुट, कपडा, बिस्कुट थुप्रै चिज किनेको होला । त्यतिखेर व्यापारिक भएन । अहिले सेना आफू उत्पादन गर्ने बाटोमा लागिरहेको बेला व्यावसायिक नभएर आफ्ना निम्ति चाहिने सामानहरु आफैं गर्ने अनि बाहिरको खरिद प्रक्रिया र खरिद विक्रिका कुराहरुमा नजाने कुरा भएपछि र केहीकेही सेनालाई चाहिने कुराहरु जस्तो सेनाको अस्पताल छ ।
अस्पताललाई सामाग्री चाहिन्छ त्यो उसले छिटो छरितो ढंगले आफैंले ल्याउँछ भने सेनाले अस्पताल चलाउन पाउँछ कि पाउँदैन ? अहिलेको सरकराले सेनाको अस्पताल त बनाएको होइन । सेनाको अस्पताल उहिल्यैबाट बनेको छ । त्यो अस्पतालमा आफैंले उहिल्यैबाट आफूले औषधि उपकरण किन्ने गरेको छ । अनि अहिले सेनाले २८ हजार पिसिआर अन्य केही सामानहरु आफूलाई आवश्यक पर्ने । आफ्नो तर्फबाट सेवा उपलब्ध गराउन आवश्यक पर्ने । र अहिले कोरोनाविरुद्ध सेनाले फोर फ्रन्टमा बसेर सेवा गरिरहेको छ ।
त्यसै प्रसंगमा आफ्नो सुरक्षाका लागि चाहिने पिपिई जस्ता कुराहरु सेनाले किन्यो भने यसमा आपत्ति हुनुपर्ने कुरा छैन् । सेनालार्य हामीले नेपाल र सरकारभन्दा बाहिरको जस्तो गरेर व्यवहार गर्नुपर्ने र धारणा राख्नुपर्ने म देख्दिन । यो नेपाल सरकारको एउटा अंग हो । एउटा विभागजस्तो कुरा हो त्यसकारण सुरक्षासम्बन्धी हाम्रा सबै अंगहरु परिचालन हुन्छन् ।’
प्रधानमन्त्री ओलीले गृहमन्त्रालयको भूमिका नखोसिएको बताएका छन् । तर, उनले सेनालाई पनि सेनाको भूमिका दिइएको बताएका छन् । ‘अनि विपद व्यवस्थापनका अधिकारहरु खोसिएको छर ? त्यो पनि खोसिएको छैन् । विपद व्यवस्थापनका अधिकार खोसेर सेनामा सारिएको छ र ? त्यसकारण भ्रममा नपरौं’, उनले भने ।
फेसबुकबाट तपाईको प्रतिक्रिया !