जन प्रभाब / २०७७ बैशाख १९ गते .
जनकपुरधाम । शिक्षा विज्ञान तथा प्रबिधि मन्त्री गिरीराजमणी पोखरेल जिल्ला महोत्तरीको भंगहा नगरपालिका–७ मेघनाथ गोरहन्नामा रहस्यमय किसिमले मृत्यु हुनेहरुको अवस्था बुझ्न गाउँ पुगेका छन् ।
मन्त्री पोखरेलले के कति कारणले उनीहरुको मृत्यु भयो भन्ने बारे स्थलगत रुपमा बुझेका छन् । मृत्युको कारण पत्ता लगाउन मातहतका निकायलाई निर्देशन दिदंै मन्त्री पोखरेलले भने,‘ भंगहा नगरपालिकालाई स्वास्थ्य सामाग्री उपल्वध नभएकाले अब छिटै स्वास्थ्य सामाग्री उपल्वध गराईनेछ ।’
मन्त्री पोखरेललाई जिल्ला स्वास्थ्य कार्यालयका जनस्वास्थ्य निरिक्षक गिरेन्द्र झाले मृतकहरु बारे जानकारी गराएका थिए । बैशाख १० गते यता महोत्तरीको बर्दिबास वडा नम्बर १२ र भंगहा नगरपालिकामा गरि १० जनाको मृत्यू भइसहेको छ ।
मृतक सबै रक्सी पिउने व्यक्ति भएकाले विषाक्त मदिराकै कारण उनीहरुको मृत्यु भएको हुनसक्ने अनुमान गरिएको छ ।तर, मृत्यु के कारणले भयो भन्ने बारे पुष्टि गर्ने आधार छैन ।
शिक्षा मन्त्री पोखरेलले मृत्युको कारण पत्ता लगाउन स्वास्थ्य विभागबाट टोली खटाएका छन् ।
