- सिरहा ,साउन १३ गते मंगलवार ।।
- जनप्रभाब-सम्बादाता
मास्क नलगाई हिडडुल गर्ने सर्वसाधारणलाई सिरहा प्रहरीले सोमबार मास्क वितरण गरेको हो ।
सिरहा जिल्लाभरिमा सोमबार ७ सय ५० जनालाई मास्क वितरण गरिएको जिल्ला प्रहरी कार्यालय सिरहाले जनाएको छ ।
यसका साथै जिल्ला प्रहरी कार्यालय सिरहा मातहत रहेका प्रहरी चौकीहरुले गाउँगाउँमा विश्वव्यापी रुपमा फैलिरहेको कोरोना भाइरस (कोभिड–१९ ) को रोकथाम तथा नियन्त्रणका लागी आफुपनि ‘बाँचौ, अरुलाई पनि बचाँऔ’, ‘भिडभाड नगरौं, जथाभावी हिडडुल नगरौं’, ‘काम विशेषले बाहिर जानु परेमा अनिवार्य रुपमा माक्सको प्रयोग गरौं’, ‘सामाजिक दूरी कायम गरौं’ लगायत सचेतनामुलक विषयवस्तुहरु समेटी माईकिङ् सुरु गरेको छ ।
