लहान, जेठ २१ गते । प्रदेश २ का भौतिक पूर्वाधार तथा विकास मन्त्री जितेन्द्र सोनलले आफ्ना एजेन्टमार्फत नै सिरहाको कामकाज गराउँन खोजेपछि भ्रष्टाचारी रोक्न लहानका युवा किसानहरु आज मन्त्रीको विरोधमा प्रर्दशन गरेको छ ।
युवा किसानहरुले ‘कमिशन एजेन्ट राख्न पाइदैन, मन्त्री जितेन्द्र सोनल राजिनामा गर’ ‘किसानको माग पूरा गर, सिँचाई रोक्न पाइदैन्’ ‘बालविवाह गराउँने राज्यमन्त्री सुरेश मण्डललाई कारवाही गर ’ ‘सिँचाई विकास सबैको सरोकार, हाम्रो किसानको माग पूरा गर’ जस्ता प्लेकार्ड बोकेर लहानमा प्रदर्शन गरेको छ ।
लहान १९ का किसानहरुले चार दिन अगाडि पावर ड्रिल बोडिँगको लागि भूमिगत जलस्रोत तथा सिँचाई विकास डिभिजन कार्यालय लहानमा आवश्यक फाईलसहित निवेदन दर्ता गराएको थियो । आवश्यक फाईल बमोजिम कामकाज गर्न सम्झौता तयार भइरहेको अवस्थामा कमिशनको संकेत नदेखेपछि डिभिजन कार्यालयका हाईड्रोजियोलोजिष्ट पुष्पराज दहालले ‘प्रदेश २ बाट मन्त्रालयको फोन आयो सम्झौता गर्न सक्दीन ।’ ‘मेरो जागिरको सवाल छ’ ‘यो काम गरियो भने मलाई सरुवा गरिदिन्छ’ भन्दै ‘तपाईहरु मन्त्रीको एजेन्टमार्फत आउँनुस् ।’ भनेका थिए ,
यता, कामको सम्झौता रोकेको भन्दै राष्ट्रिय जनता पार्टीका एक नेताले मन्त्री सोनललाई काम गराइदिन आग्रह गरेका थिए । फोनमै मन्त्री सोनलले ‘मेरो मान्छेलाई सम्पर्क गरेर आफै मिलाउँनुस् ।’ भन्दै मन्त्री सोनलले फोन काटेका थिए ।
सिँचाईको लागि आएको बोडिँग किसानले कमिशन तिरेर जडान गर्नुपर्ने स्थिति आएपछि युवा किसानहरुले डिभिजन कार्यालयमा तालाबन्दी गरेका थिए ।
मन्त्री सोनलकै आदेशमा दूई दिनपछि जेठ २० गते त्यस कार्यालयका कर्मचारीले ताला फोडेर काम गर्न थालेका थिए । त्यसै बखत युवा किसानहरुले आफ्नो काम पनि अगाडि बढाउँन आग्रह गर्दा हाईड्रोजियोलोजिष्ट पुष्पराज दहालले मन्त्रीको एजेन्टमार्फत आउँनु भएका थिए ।
कमिशन विनाको सम्झौता नगरेको भन्दै यस कार्यमा संलग्न रहेका प्रदेश २ का उद्योग पर्यटन, वन तथा बाताबरण राज्यमन्त्री सुरेश मण्डल र मन्त्री सोनलविरुद्ध युवा किसानहरुले आज लहानमा प्रदर्शन गरेका छन् ।
राज्यमन्त्री सुरेश मण्डलले गत बर्ष आफ्नै खर्च दिएर कल्याणपुर ३ प्रसाहीका कुशे मल्लिककी छोरी बर्ष १४ की राधा मल्लिकको वालविवाह गराएका थिए । वालविवाह अपराध हो । अपराधी राज्यमन्त्री मण्डललाई कानुनी रुपमा कारवाही गर्न समेत युवा किसानहरुले माग गरेका छन् ।
प्रदर्शन गर्दै युवा किसानहरुले आफ्नो माग पुरा गराउँन जिल्ला प्रशासन कार्यालय सिरहा र लहान नगरपालिकामा निवेदन दिएका छन् । राजपाका युवा नेता बलिराम यादवले ‘एजेन्ट राखेर कमिशन लिने मन्त्री सोनल र बालविवाह गराउँने कानुनी अपराधीलाई पार्टीले के देखेर राखिएका छन् ? यस्ता मन्त्रीलाई यथाशिघ्र कारवाही गर्नुपर्छ । यो त पार्टीलाई नै बद्नाम गर्ने काम गरिरहेका छन् । यस्ता कमिशनखोर र अपराधीलाई कारवाही गर्न जोरदार माग छ ।
