काठमाडौं,जेठ ६ गते मंगलवार । नेपाल कम्युनिस्ट पार्टी ( नेकपा ) का अध्यक्ष तथा प्रधानमन्त्री केपी शर्मा ओलीले चीनभन्दा भारतबाट आएका व्यक्तिमा कडाखालको कोरोना भाइरस संक्रमण देखिएको बताए । आज मंगलवार आर्थिक वर्ष २०७७/०७८ को नीति तथा कार्यक्रमको छलफलका क्रममा संदसमा उठेका प्रश्नहरुको जवाफ दिने क्रममा ओलीले अन्य मुलुकभन्दा भारतबाट आउनेहरुमा कडाखालको कोरोना भाइरसको संक्रमण देखिएको बताएका हुन्।
वुहान, इटाली र दुवइबाट आएकामा नरमखालको भाइरस देखिएको बताउँदै प्रधानमन्त्री ओलीले भारतबाट आएकामा कडाखालको भाइरस देखिएको बताए। उनले भने,’ पछिल्लो समय भारतबाट आएकामा कडाखालको भाइरस देखिएको छ।उनीहरु नेपाल आएर कतै लुकिदिने, कतै पत्ता लगाउन गाह्रो हुने र कोही समुदायमा बसिदिने भएकाले अवस्था गम्भीर आएको हो।’
प्रधानमन्त्री ओलीका अनुसार अहिलेसम्म नेपालमा कोरोना संक्रमितको संख्या ३७७ पुगेको छ । ३६ जना निको भएका छन् भने दुईजनाको मृत्यु भएको छ।
