मौवाही विद्यालयको आर्थिक पारदर्शिता सार्वजनिक गर्न माग

लहान, ३१ बैशाख । सिरहाको सखुवानन्कारकट्टी १ मौवाहीका विद्यालय व्यवस्थापन समितिका बहुमत सदस्यले शैक्षिक र भौतिक पारदर्शीताको माग गर्दै सोमवार पत्रकार सम्मेलन गरेको छ । योसँगै विद्यालय व्यवस्थापन समिति पूर्णता पाउँन दूई सदस्य मनोनित गर्न जोड दिएको छ ।
मौवाही विद्यालय व्यवस्थापन समितिका सदस्यहरु बालेश्वर यादव, रामजी यादव, मनिषादेवी यादव, बासुदेव यादव, यमुनाप्रसाद यादव र अजयकुमार यादवलगायतको हस्ताक्षरमा जारी विज्ञप्तीमा भौतिक निर्माणमा पारदर्शीता, लेखा परिक्षण, बैंक स्टेटमेन्ट र अडिट प्रतिवेदन सार्वजनिक गर्न माग गरिएको विज्ञप्तीमा उल्लेख छ ।
०६८।६९ देखि हालसम्मको विद्यार्थीबाट उठाएको शुल्क र विभिन्न निकायबाट उठाएको करिब दश करोडको आर्थिक पारदर्शिता गरिदिन प्राधानाध्यापक रामपृत यादवसँग माग गरेको जनता समाजवादी पार्टीका युवा नेता दिपेश यादवले बताए ।
विद्यालयमा कार्यरत शिक्षकहरुको खाईपाई आएको सेवा सुविधा काटिएको समेत आरोप रहेको छ । कम्प्युटर खरिद गर्न रकम आएपनि विद्यालयमा कम्प्युटर नरहेको विद्यालय व्यवस्थापन समितिका सदस्य रामजी यादवले बताए ।
समयमा आर्थिक पादर्शिता नगरे चरणबद्ध आन्दोलन गर्ने, कानुनी कारवाहीको प्रक्रिया अगाडि बढाउँने र विद्यालयको प्रशासन कार्य अवरोध गर्ने स्थानीय अगुवा समाजसेवी मनोज यादवले बताए ।
मनोनित गर्नुपर्ने सदस्य हामीले गरिसकेका छौ । र, आर्थिक पादर्शिताको सवालमा अडिट रिर्पोट तयार भएपछि यथाशिघ्र सार्वजनिक गर्ने प्राधानाध्यापक रामपृत यादवले बताए । मनोनित गरी ९ सदस्य विद्यालय व्यवस्थापन समिति रहेको छ ।