सञ्चालक रौनक गोथ्रालाई र पुस्पा देवी अग्रवाल महानगरिय अपराध महाशाखाको नियन्त्रणमा
- काठमाडौं ,असोज १६ गते शुक्रबार ।।
- जनप्रभाब – सम्बादाता
- महानगरीय अपराध महाशाखाले कलंकीस्थित लिंक मार्ग सुनारगाउबाट ठूलो परिमाणमा म्याद सकिएको ठुलो परिमाणमा स्नेकर, प्रिङ्गर्स, ट्याङ र ओरियो बिस्कुट बरामद गरेको छ ।
आईएन डिस्ट्रिव्यूर्टसबाट म्याद सकिएको सामग्रीमा नयाँ स्टिकर टाँस गर्दै बजार पठाउने सामग्रीलाई बरामद गरिएको महाशाखाका एसएसपी दीपक थापाले जानकारी दिए ।
वाणिज्य आपूर्ति उपभोक्ता संरक्षण विभाग, जिल्ला प्रशासन कार्यालय र अपराध महाशाखाको टोलीले ५ वटा कोठामा राखिएको सामग्रीको मुचुल्का उठाएर सिल गरेको छ ।
आइएन डिस्ट्रिब्यूटर्सका सञ्चालक रौनक गोथ्रालाईलाई बाफल र पुस्पा देवी अग्रवाललाई पुतलीसडकबाट नियन्त्रणमा लिइएको एसएसपी थापाले बताए ।
त्यस्तै आइएन डिस्ट्रिब्यूटर्सका स्टोर किपर रौतहटका पप्पु शर्मा, महोत्तरीका श्याम प्रसाद सिंह र रौतहटका मुन्ना ठाकुरलाई पनि नियन्त्रणमा लिइएको छ । प्रहरीले सामग्रीसँगै स्टिकर बनाउने मेसिन समेत बरामद गरेको छ ।
