- काठमाडौं,साउन १२ गते सोमबार ।।
- जनप्रभाब-सम्बादाता
काठमाडौं महानगरपालिका-१६ वहती पोखरीस्थित सडकबाट नियन्त्रित लागू औषध ३ सय एम्पुल डाइजेल्याब, ३ सय एम्पुल बुप्रनोर्फिन, ३ सय एम्पुल फेनारागन र २० हजार रुपैयाँ सहित २ जनालाई बुधबार प्रहरीले पक्राउ गरेको छ । पक्राउ पर्नेहरुमा बगंलादेश ढाका ठेगाना भएका २६ वर्षीय Obaidullah Sojal र २६ वर्षीय Mahamad Babul Slam रहेका छन् । लागूऔषध नियन्त्रण व्यूरो कोटेश्वरबाट खटिएको प्रहरीले सोही ठाउँस्थित सडकमा प्रदेश नम्बर ३-०२००१ प ५२२९ नम्बरको मोटरसाइकलमा बसिरहेको अबस्थामा उक्त लागूऔषध सहित फेला पारी उनीहरुलाई पक्राउ गरेको छ ।
यसैगरी काठमाडौं महानगरपालिका-३ महाराजगंजस्थित सडक किनारबाट अवैध लागूऔषध ०.५ ग्राम खैरो हेरोइन र नगद २० हजार रुपैयाँ सहित २ जनालाई बुधबार प्रहरीले पक्राउ गरेको छ । पक्राउ पर्नेहरुमा सोही महानगरपालिका-१ कमलपोखरी ठेगाना भएका २४ वर्षीय किसन कार्की र सोही महानगरपालिका-२ ठेगाना भएका २५ वर्षीय कर्मा लामा रहेका छन् । लागूऔषध नियन्त्रण व्यूरो कोटेश्वरबाट खटिएको प्रहरीले उक्त लागूऔषध सहित फेला पारी उनीहरुलाई पक्राउ गरेको हो ।
पक्राउ परेका सबै जनालाई लागूऔषध मुद्दामा थप अनुसन्धान भइरहेको उक्त व्यूरोले जनाएको छ ।
