सिरहा,१३ जेष्ठ । सिरहा जिल्लाको माडरस्थित ब्रजमोहन झबुराम जनता माविमा सिरहा नगरपालिकाले संचालन गर्दै आएको क्वाइरेन्टाइनमा खटिएका स्थानीय स्वंसेवकहरुले न्यूज २४ टिभिका सिरहा समाचारदाता दिलिप कुमार सहनीलाई गालीगलौज गर्दै दुव्र्यवहार गरेका छन् ।
क्वाइरेन्टाइनको अवस्थाबारे जानकारी लिन गएका पत्रकार सहनीलाई स्थानीय स्वंसेवक शोभित यादव र उनका साथमा आएका नागमणि यादवले गालीगलौज गर्दै दुव्र्यवहार गरेका छन् । ‘क्वाइरेन्टाइनबाट मान्छे भागेको हल्ला चलेपछि बुझ्न जाँदा आफुलाई उनीहरुले यहाँ आउने तिमि को हो भन्दै दुव्र्यवहार गरेका छन्,’दिलिपले भने,‘आफु सहज रुपमा कुरा गर्न खोज्दा पनि उनीहरु उत्तेजित हुँदै गालीगलौज गर्दै ज्यान मरेर बोडरमा फाल्दिन्छु लासको सनाखत पनि हुदैन भन्ने समेत त्रासपूर्ण धमकी दिदै नजिक बॉर्डर तर्फ लैजान खोजेको उनले भने ।’
क्वाइरेन्टाइन व्यवस्थापन पक्षकै त्रुटिकै कारण व्यक्ति भागेको हल्ला भएको र सोबारे बुझ्न जाँदा आफुमाथि व्यवस्थापन पक्षकै व्यक्तिबाट दुव्र्यवहार हुनु बिडम्वनाको कुरा रहेको पत्रकार सहनीले बताए । उनका अनुसार घटनाबारे एसपी,सिडियो र नगरपालिकाका प्रमुखलाई जानकारी दिदा हालसम्म कसैले राम्रोसँग सुनुवाई गरेको छैन् ।
पिडकहरुले आफुलाई पटक पटक धम्की दिँदै आएको उनले दुखेसो गरे । क्वाइरेन्टाइनमा खटिएकाहरु मध्ये केही व्यक्तिले मादक पदार्थ सेवन गरेर काम गर्दै आएको एक व्यक्तिले नाम प्रकाशन नगर्ने शर्तमा बताए ।
