- बारा,असार २० गते सनिवार ।
- जन प्रभाब-सम्बादाता
कृषि ज्ञान केन्द्र बाराले ९ हजार ३४८ जना किसानको ३ लाख मुनिको कर्जामा ब्याज अनुदान रकम भूक्तानी गर्ने भएको हो । बजेट अभावमा ३ लाख मुनिको कृषि कर्जामा मात्रै हाल बैंक तथा सहकारी मार्फत अनुदान रकम भूक्तानी गर्न लागेको कृषि ज्ञान केन्द्र बाराले जनाएको छ । प्रदेश २ सरकारले लकडाउनबाट प्रभावित किसानलाई राहत दिने उदेश्यले ३ करोड १० लाख रकम बारामा पठाएको छ ।
सोही रकमबाट हाल ३० वटा बैंक तथा ४० वटा सहकारी मार्फत किसानहरुमा रकम भूक्तनी हुने कृषि ज्ञान केन्द्र बाराका प्रमुख जितेन्द्र प्रसाद यादवले जानकारी दिनु भयो । राहत दिन बनेको राहत तथा अनुदान प्रवाह निर्देशिका २०७६ अनुसार पहिलो चरणमा अनुदान रकम भूक्तानी गर्न लागिएको हो । भुमि ब्यवस्था, कृषि तथा सहकारी मन्त्रालय जनकपुरधामले गत चैत्रमा बैक, वित्तिय संस्था तथा सहकारीबाट लिएको कर्जाको ब्याजमा १२ प्रतिशत अनुदान दिने घोषण गरेको थियो । साथै भुमि ब्यवस्था, कृषि तथा सहकारी शैलेन्द्र साहले बजेट रकमान्तर गरेर भएपनी यसै बर्ष बाँकी रकम भूक्तानी गर्ने बताएका छन् । त्यसरी सम्भव नभए आगामी बर्ष सुरुबाटै भुक्तानी नियमित गरिन्छ । भुक्तानीमा बजेटको समस्या हुँदैन । मन्त्री साहले भन्नु भयो ।
आगामी बर्षको बजेटमा समेत यो विषय समेटिएकाले भुक्तानीमा समस्या नहुने उनको भनाई छ । अनपेक्षित रुपमा आवेदन परेका कारण तत्कालका लागि रकम अभाव हुने देखिएको उनको तर्क छ । कृषि क्षेत्रमा भएको कर्जा लगानीको अवस्थाको एकीन गर्न यो कार्यक्रमले सहयोग गरेको छ । आगामी दिनमा अझ प्रभावकारी कार्यक्रम कार्यान्वयनमा मन्त्रालय लाग्ने मन्त्री साहले बताउनु भयो । कृषि ज्ञान केन्द्र बाराका अनुसार विभिन्न लघुवित्ति वित्तिय संस्थामा कर्जा भई ब्यक्तिगत रुपमा करिब ४ हजार ५ सय निवेदन दर्ता भएका छन् । ती निवेदन र ३ लाख रुपैंया माथीको कर्जामा आगामी आर्थीक बर्ष २०७७/०७८ मा अनुदान रकम वितरण गरिने छ ।
त्यसका लागि आवश्यक करिब ६ करोड रकम प्रदेश २ मन्त्रालयसँग बजेट माग भएको छ । भुमि ब्यवस्था, कृषि तथा सहकारी मन्त्रालयबाट रकम प्राप्त हुनासात वितरणको ब्यवस्था मिलाईने ज्ञान केन्द्र प्रमुख यादवले बताउनु भयो । मन्त्रालयले २०७७ जेठ ८ मा सुचना प्रकाशित गरी अनुदान मागका लागि वडाको सिफारिस, बैंक स्टेटमेन्ट सहित आवेदन दर्ता गर्न भनेको थियो । सुचना पश्चात कृषि ज्ञान केन्द्र बारामा अनुदान माग गर्दै १७ हजार दुई सय ८३ फाईल दर्ता भएका थिए ।
हाल भुक्तानी पाउनेमा बैंकका चार सय २७ र सहकारीका आठ हजार नौ सय २१ गरी जम्मा नौ हजार तीन सय ४८ रहेका छन् । बाँकीलाई आगामी बर्ष रकम वितरण गरिने कृषि ज्ञान केन्द्र बाराका प्रमुख यादवले जानकारी दिनु भयो ।
