काठमाडौं । सूचना तथा प्रसारण विभागले प्रसारण अनुमतिपत्र नलिएको भन्दै प्रधानमन्त्री शेरबहादुर देउवाले मण्डिखाटारमा शुक्रबार उद्घाटन गरेको ‘पतञ्जलि नेपाल’ र ‘आस्था’ टेलिभिजनको स्टुडियो नभेटेपछि कारबाही प्रक्रियाबाट पछि हटेको छ ।विभागका निर्देशक सुदीप भट्टराईका अनुसार पतञ्जलि टेलिभिजनको स्टुडियो नै नबनेको र टेलिभिजन खोल्न कुनै तयारी नै नगरेको पाइएकोले कारबाही गर्ने आधार देखिएन ।
शुक्रबार प्रधानमन्त्री देउवासँगै नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा एकीकृत समाजवादीका अध्यक्ष माधवकुमार नेपालले एकसाथ टेलिभिजनको उद्घाटन गरेका थिए ।नेपालमा विदेशी टेलिभिजन खोल्न कुनै नियम नभएको भन्दै यसविरुद्ध चौतर्फी विरोध भएको थियो । त्यसपछि विभागले पनि त्यसलाई चासो साथ नियालेको थियो । तर, चोतर्फी पतञ्जलिको समाचार आएपछि विभाले निर्देशक भट्टराईकों संयोजकत्वमा एक समिति गठन गरेको थियो ।
त्यसपछि उक्त समितिले मण्डिखाटारमा रहेको भनिएको पतञ्जलि टेलिभिजनको कार्यालयमा पुगेर छापासँगै केही कागजात पनि बरामद गरेको थियो ।तर, विभागका महानिर्देशक गोगनबहादुर हमालले टेलिभिजनले अहिलेसम्म स्टुडियो नै तयार नभएको फेला पारिएको बताएका छन् ।
उनका अनुसार अनुमतिपत्रविना प्रसारण उपकरण, सामग्रीहरु जडान गरेको भेटिए जफत हुने कानूनी व्यवस्था रहेको छ ।
अनुसन्धान समितिले पतञ्जलिको कार्यालयमा छापा मार्दा भवन मात्रै उद्घाटन गरेर ‘टेलिभिजन’ उद्घाटन भनिएको भनेको छ । यसरी टेलिभिजन छैन तर, भवनमात्रै भएपछि कारबाही गर्न विभाग पछि हटेको हो ।
