लहान । विकास निर्माणप्रति सबैको मनसाय सकारात्मक नै रहन्छन् । तर, बर्षोदेखि गरिखादै आएका व्यक्तिलाई रोजीरोटी मारिदिएपछि आक्रोशित हुनु स्वभाविक नै हो । आज यस्तै अवस्था सृजना भएको लहान ५ स्थित हाटबजारमा गरिखादै आएका सयौं घरपरिवारलाई लहान नगरपालिकाका मेयर मुनी साहले बेसहारा बेरोजगारको खाडलमा जाक्दैछन् ।
जहाँ नगरपालिकाले हाटबजारमा रहेको घरटहरा हटाउँदा भत्काउँदा अर्को व्यवस्था गरि मात्रै तोडफोड गर्ने सम्झौता गरेका थिए । अर्कातर्फ अदालतको निर्णय विपरित तथा सम्झौता भंग गरि असोज १२ गते लहान नगरपालिकाका मेयर मुनी साहको निर्देशनमा दर्जनौ नागरिकमाथी नगर प्रहरीले कुटपिट गरेका छन् । नगर प्रहरीको लाठी प्रहारबाट गुडिया खातुन, रामऔतार शर्मागरी दर्जनबढीको हातखुट्टा टाउँकोमा गम्भिर चोट लागेको छ ।
प्रहरीको प्रहारबाट बालबालिका र महिला समेत घाईते भएका छन् । अधिकाँशको टाउँकोमा प्रहार गर्दा दर्जनौ टाँका लागेको एकीकृत समाजवादीका नेता सत्यनारायण यादवले बताए । आज विहान नगर प्रहरी, सशस्त्र प्रहरी, जनपद प्रहरीको संरक्षणमा लहान ५ स्थित रहेको हाटबजारको घरटहरा भत्काउँदा स्थानीयवासीसहित चार राजनीतिक दलका प्रतिनिधिले प्रतिकार गरेका थिए । हामी विकास विरोधी होइन्, जनताको रोजीरोटीको व्यवस्था गरेर भत्काउँने बनाउँने काम गरेको भए प्रतिकार गर्ने आवश्यकता नै छैन । हामी विकास निर्माण कार्यको स्वागत गर्छौ नेपाली काँग्रेसका लहान नगर समितिका अध्यक्ष सुनिल महतोले बताए ।
विकास हामीलाई चाहेको छ , आज ४० बर्षदेखि गुजरा गरिरहेका त्यस हाटबजारका मानिस अब वेरोजगार हुने अवस्था पुगे । यिनीहरुको व्यवस्थापन गर्न नगरप्रमुखको दायित्व हो की होइन ? जहाँ रोजगारी दिनुपर्ने हो तर, मेयर मुनीले बेरोगार बनाउँने गरेकोले प्रतिकार गर्न बाध्य भए लहान उद्योग वाणिज्य सँघका अब्दुल करिमले बताए ।
नेकपा माओवादी नेता सुरेन्द्र साहले मेयर मुनीले आफ्नै घरको पछाडि रहेको सार्वजनिक जग्गा कब्जा गरेर राखेका छन् । त्यो सार्वजनिक जग्गामा व्यवस्थापन गरी यिनीहरुलाई रोजगारी दिएको भए हामी प्रतिकारमा उत्रिने कुनै बाध्यता नै छैन । मेयर जस्तोले जग्गा कब्जा गरेर जनतालाई दुःख दिनु लजास्पद हो साहले बताए ।
लहान नगरपालिकापक्षले अदालत आफ्नो ठाउँमा छ । त्यस हाटबजारका अधिकाँश घरटहरावालाको स्वीकृतीमा निर्माण कार्यको अगाडि बढाएको हो । प्रतिकारमा उत्रिएकालाई कुटपिट गर्नु हुँदैन्थ्यो । समान्य चोटपटक लागेको होला ।
