शितलनिवासमा उपसभापति निधिको असन्तुष्टि : प्रम ओलीले संसदलाई भूमिकाविहीन बनाए

काठमाडौं । राष्ट्रपति विद्यादेवी भण्डारीले बोलाएको सर्वदलीय बैठकमा नेपाली कांग्रेस उपसभापति विमलेन्द्र निधिले सरकारले संसदलाई ‘बिजेनस’ नदिएको भन्दै असन्तुष्टि व्यक्त गरेका छन्।

राष्ट्रपति कार्यालय शीतल निवासमा पुगेका केही नेताले मात्रै आफ्ना धारणा राखेका थिए। कांग्रेसका उपसभापति निधिले संसद्लाई विघटन गर्ने तथा बिजनेस नदिने कार्यप्रति आक्रोश व्यक्त गरेका थिए।

संसदलाई भूमिकाविहीन बनाउने कार्यमा प्रधानमन्त्री केपी शर्मा ओली लागेकोप्रति उनको असन्तुष्टि थियो।प्रधानमन्त्री ओलीप्रति निधि असन्तुष्टि देखिएपछि निधिको प्रतिवादमा प्रधानमन्त्री उत्रेका थिए। संसद् विघटन गर्ने अधिकार प्रधानमन्त्रीलाई भएको उल्लेख गर्दै पुनः प्रतिनिधि सभा भंग गर्न सक्ने चेतावनी दिएका थिए।