लगातार लागूपदार्थ, अपराध र तस्करी नियन्त्रणमा उल्लेख्य सफलता, मुद्दा व्यवस्थापनमा पनि व्यापक सुधार
लहान । ईलाका प्रहरी कार्यालय लहानका प्रमुख प्रहरी नायब उपरीक्षक (डीएसपी) कैलाश राईले आफ्नो जिम्मेवारी सम्हालेपछि क्षेत्रमा शान्ति सुरक्षा र अपराध नियन्त्रणको अवस्था उल्लेखनीय छ।
उनको नेतृत्वमा प्रहरीले लागूपदार्थ ओसारपसार, अपराध र तस्करी नियन्त्रणमा महत्वपूर्ण सफलता हासिल गरेको छ।
डीएसपी राईले पदभार ग्रहण गरेदेखि नै सुक्ष्म र प्रभावकारी रणनीति अपनाएका छन्।
यसको फलस्वरूप, अवैध गतिविधिमा संलग्न व्यक्तिहरूलाई पक्राउ गर्न र अपराध न्यूनीकरण गर्न प्रहरी सफल भएको छ। विशेषगरी, लागू औषध कारोबार, चोरी, लुटपाट र सीमापार तस्करी नियन्त्रणमा प्रहरीको सक्रियता बढेको छ।
त्यसैगरी, ईलाका प्रहरी कार्यालय लहानको मुद्दा फाँटको नेतृत्व सम्हालेका प्रहरी निरीक्षक शिव कटेलको सक्रियतामा मुद्दाको छिटो र प्रभावकारी व्यवस्थापन भएको छ। उनको पहलमा मुद्दाको अनुसन्धान प्रक्रियामा व्यापक सुधार आएको छ, जसले गर्दा सेवाग्राहीले सहज र छिटो न्याय पाएका छन्। यस सुधारले प्रहरीप्रतिको विश्वास र सम्मान अझ बढेको छ।
डीएसपी राईको कुशल नेतृत्व र प्रहरी निरीक्षक कटेलको सक्रियतामा ईलाका प्रहरी कार्यालय लहानले शान्ति, सुरक्षा र न्यायिक प्रक्रियामा महत्वपूर्ण भूमिका निर्वाह गरेको छ। उनका कार्यकालमा भएका यी उपलब्धिहरू प्रशंसनीय छन् र यसले आम नागरिकमा सुरक्षा र न्यायको विश्वास बढाएको छ।
