बरियारपटी गाउँपालिमा ब्रहमलुट – १
लहान । अख्तियार दुरुपयोग अनुसन्धान आयोगले यही बैशाख ७ गते भ्रष्टचार मुद्दा चलाएको लक्ष्मीपुर पतारी गाउँपालिकासँगै जोडिएको सिरहाको एक अर्को गाउँपालिकामा पनि ब्यापक अनियमितता भएको रहस्योद्घाटन भएको छ ।
नेपाल भारत सीमामा जोडिएको बरियारपटी गाउँपालिकाबाट आर्थिक बर्ष २०७७।२०७८ मा पनि निर्माण , मर्मत , रंगरोगन , ट्वाइलेट निर्माण लगायत शिर्षकमा विभिन्न विद्यालयको नाममा करोड बढि रकम निकाशा गरेर अनियमितता गरेको पाइएको छ ।
जनप्रभाव साप्ताहिक पत्रीकालाई प्राप्त कागजागमा गाउँपालिकाबाट सबैभन्दा बढि बरियारपट्टि – ५ स्थित जनता आधारभुत विद्यालयका नाममा ३६ लाख रुपैयाँ निकासा गरिएको पाईएको छ भने वडा नं. ५ जिझौलमा रहेको भनिएको नरसिंह आधारभुत विद्यालयको नाममा २१ लख रुपैयाँ निकासा गरिएको छ ।
त्यस्तै श्री जनता मा.वि.बरियारपट्टिको नाममा ३ लाखको दरले ३ पटक गरि ९ लाख रुपैयाँ निकाशा गरिएको छ । श्री जनताा माध्यामिक विद्यालय प्रविधिक धार बरियारपट्टिको नाममा २ पटक गरि ६ लाख ५० हजार निकासा भएको देखिन्छ ।
महालेखापरीक्षकको कार्यालयले यि सबै विद्यालयहरुका नाममा निकासा भएको रकम बेरुज’ देखाएको स्रोतले बतायो । यसबारे प्रतिकृया लिन पटकपटक सम्पर्क गर्दा पनि गाउँपालिका प्रमुख सन्तोष महतो सम्पर्कमा आउन चाहेनन् ।
भ्रष्टचार मुदका कारण हालै निलम्बनमा परेका एक कर्मचारीका अनुसार त्यसरी विद्यालयहरुका नाममा निकासा गरेको रकम काम गरेँ झैँ गरेर जनप्रतिनिधी , कर्मचारी ,स्कुल सञ्चालक समिती अध्यक्ष र प्रधानध्यापकहरुको मिलिभगतमा बिगत देखिनै अनियमितता गरिदै आएको छ ।
यस बिषयमा अख्तियार दुरुपयोग अनुसन्धान आयोगमा उजुरी परेपनि उसले कार्बाही अघि नबढाएको स्थानियहरुको भनाई छ ।
फेसबुकबाट तपाईको प्रतिक्रिया !