काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’लाई भेटेर काँग्रेस नेता डा. शेखर कोइरालाले स्थानीय तहको निर्वाचनमा गठबन्धन गर्न नहुने बताएका छन् ।बिहीबार ‘प्रचण्ड’ निवास खुमलटार पुगेर नेता कोइरालाले अध्यक्ष ‘प्रचण्ड’लाई वडासम्म गठबन्धन सम्भव नरहेको बताएका थिए ।भेटमा प्रचण्डले ने शेखरलाई ‘स्थानीय तहको निर्वाचनमा गठबन्धन बनाएर जाऔँ’ भनेपछि कोइरालाले अस्वीकार गरेको बताइएको छ ।भेटमा एमसीसी, स्थानीय चुनाव लगायतका विषयमा छलफल भएको थियो ।
भेटमा प्रचण्डले चुनावमा गठबन्धन गरेर जान प्रस्ताव राखेका थिए । तर कोइरालाले आफू चुनावी गठबन्धनको पक्षमा नरहेको बताएका थिए ।‘गठबन्धन गर्ने भए सरकारमा गरौंला, तर चुनावमा म कुनै हालतमा गठबन्धन गर्दिनँ,’ कोइरालाको भनाइ उद्धृत गर्दै भेटमा सहभागी उनका सहयोगी दिनेश थपलियाले भने । थपलियाका अनुसार प्रचण्डले पटक–पटक चुनावी गठबन्धनको कुरा गरेका थिए तर कोइरालाले त्यसलाई अस्वीकार गरेका थिए ।
डा. कोइरालाले एमसीसीको विषयमा अलमल नगर्न सुझावसमेत दिएका थिए । स्वीकार गर्ने भए संसदबाट छिटो पास गर्न र अस्वीकार गर्ने भए पनि संसदबाटै गर्नुपर्ने उनको धारणा थियो ।छलफलमा कोइरालाले ‘प्रचण्ड’सामू सबै कुराको छिनोफानो ससदबाटै गर्नु पर्ने सुचारु गर्नु पर्ने र संसादलाई बन्धक बनाउन नहुने धारणा राखेको बताइएको छ ।उक्त भनाइपछि प्रचण्डले पनि कोइरालालाई स्थानीय निर्वाचनमा गठबन्धन गरौँ भनेर प्रस्ताव गरेका थिए । तर कोइरालाले अस्वीकार गरेका हुन् ।
‘उहाँहरुको भेटमा अध्यक्ष प्रचण्डले स्थानीय चुनावमा गठबन्धन बनाएर जाऔँ भनेर गरेको प्रस्ताव गर्नुभयो । जवाफामा कोइरालाले वडा वडामा गठबन्धन सम्भव छैन,’ कोइरालाको प्रस्तावलाई उदृत गर्दै स्रोतले भन्यो, ‘केन्द्रबाट तोकेर एलाइन्समा चुनाव लड्ने कुरा म अन्तिमसम्म विरोध गर्छु । बरु चुनावपछि सहकार्य गर्न सकिन्छ भन्नुभयो।’एमसीसी र संसद बैठकको बिषय पेचिलो बन्दै जाँदा नेता कोइरालाको दौडधुप बढिरहेको छ ।नेता कोइरालाले बुधबार एमाले अध्यक्ष ओलीलाई भेट्न बालकोट पुगेका थिए ।
सरकारले स्थानीय तहको निर्वाचन बैशाख ३० गते मुलकुभर एकैसाथ गर्ने निर्णय गरेको छ ।त्यस्तै एमसिसी पास गर्ने या नगर्ने भन्ने बिषयमा राजनीतिक दलहरुबीच मत बाझिएको छ । जसका कारण नेपाली राजनीति नै तरङ्गित बनेको छ ।
कांग्रेस नेता कोइरालाले दुई दिन अघि नेकपा एमालेका अध्यक्ष केपी शर्मा ओलीसँग पनि भेटवार्ता गरेका थिए ।
