काठमाडौं । प्रधानमन्त्री तथा नेपाल कम्युनिस्ट पार्टी ( माओवादी केन्द्र ) का अध्यक्ष केपी शर्मा ओलीविरुद्ध अविश्वासको प्रस्ताव ल्याउने अन्तिम तयारी भएको छ । २३ चैत्रभित्र नै अविश्वासको प्रस्ताव ल्याउने गरी तयारी भएको बुझिएको छ ।
नेपाली काँग्रेस, नेकपा माओवादी केन्द्र र जनता समाजवादी पार्टीको समिकरण बनाएर अविश्वासको प्रस्ताव ल्याउने अन्तिम तयारी भएको हो । त्यसका लागि भित्री रुपमा गृहकार्य भइरहेको विश्वस्त स्रोतले बताएको छ ।
प्रधानमन्त्री ओलीले तत्काल राजीनामा नदिए अविश्वासको प्रस्ताव ल्याउने काँग्रेस वरिष्ठ नेता रामचन्द्र पौडेलले खुलासा गरिसकेका छन् । उनले आज नेपाली काँग्रेस नुवाकोटले आयोजना गरेको कार्यक्रममा यस्तो खुलासा गरेका हुन् । उनले भने,‘हामी प्रधानमन्त्रीलाई हटाउने प्रस्ताव पेश गर्छौं, त्यसका लागि अहिले विपक्षीमा रहेका र हिजो प्रतिगमनविरुद्ध संघर्ष गरेका दलहरुबीच सहमति बनाउँछौं ।’ उनले सरकारको नेतृत्व काँग्रेसले गर्ने दाबी समेत गरे ।
नेपाली काँग्रेस, नेकपा ( माओवादी केन्द्र ) र जसपाबीच प्रधानमन्त्रीमा कस्को नाम प्रस्ताव गर्नेबारे सहमति बन्न सकेको छैन ।
