महेन्द्रनगर । जिल्ला प्रहरी कार्यलय कञ्चनपुर र भिमदत्त नगरपालिकाको साझेदारीमा सुरक्षित चेली अभियान सुरक्षित चेलि समृद्ध सामजको आधार, अपराध रहित समाजको पुर्वधार भन्ने मुल नाराका साथ सुक्रबार देखि सुरक्षित चेली अभियानको सुरुवात भएको छ ।
बदलिदो सामाजिक परिवर्तन संगै समाजमा अपराधका स्वरुप र संख्या दिनानु दिन बढिरहेको वर्तमान परिपेक्षेमा अपराध बाट पिडित हुने समुहमा महिला तथा बालबालिका तथा समाजमा दिनानुदिन बढिरहेका सामाजिक कुरीति जस्तै बालविबाह, दाईजो प्रथा,बहु बिवाह,बोक्सीको आरोप,घरेलु हिंसा ,आत्महत्या,महिला हिंसा रोगथाम तथा न्युनिकरण सम्मबन्धमा जनचेतना फैलाउने हेतुले कञ्चनपुर प्रहरीले सुरक्षित चेली अभियान कार्यक्रमको संचालन गरेको हो ।
सुरक्षित चेलि अभियानको समुद्घाटनमा बोल्दै कञ्चनपुरका जिल्लाका प्रमुख जिल्ला अधिकारी रामकुमार महतोले महिला असुरक्षित बन्दै जानुको कारणको खोजी गरिनुपर्ने बताएका छन्।
शुक्रवार सुरक्षित चेली अभियान कार्यक्रममा बोल्दै प्रमुख जिल्ला अधिकारी महताले आमा बुवाले मन्दिरमा गएर भगवान सँग प्रार्थना गर्दा समाजमा चेली असुरक्षित बन्दै गएको बताएका हुन् । एक किसीमको मानसिकता बोकेर मन्दिरमा गई आमाबुवाले छोरा प्राप्तिका लागी सङ्कल्प लिने गरेका तर जन्मँदा छोरी जन्मिए उल्टो भएको भन्दै हत्या गर्ने सम्मका अपराध समेत हुने गरेको उनले बताए ।
उनले छोरा–छोरी पुरुष महिलाको संर्षग बाट जन्मिने भएकाले जे भए पनि समाज सुधार तथा राष्ट्रको विकासमा योगदान पु¥आउन सक्ने गरी संन्तामा शिक्षा दिनुपर्नेमा जोड दिए।
उनले मानसिकता सकारात्मक भएमा मात्रै समाज सुद्धृढ हुने बताए । कार्यक्रमका सभापति तथा भीमदत्त नगरपालिकाकी उपप्रमुख सुशीला चन्द सिंहले पनि घरबाटै चेली सुरक्षित बनाउन आमाबुवाको प्रथम जिम्मेवारी भएको बताइन्। उनले सुद्धृढ समाजको परिकल्पनाका लागी सबै एकजुट भएर लाग्नु पर्नेमा जोड दिइन्।उपप्रमुख चन्द सिंहले समाज परीवर्तन गर्नको लागि सर्बप्रथम आफु र आफ्नु घर परीवारबाट सुरुवात गर्नुपर्नेमा जोड दिईन् ।
त्यस्तै कार्यक्रममा बोल्दै प्रमुख अतिथि जिल्ला समन्वय समिति कञ्चनपुरका प्रमुख फैरु तामाङले महिला घरबाटै महिला सुरक्षित तुल्याइनुपर्ने बताए। उनले भने,–‘घरबाटै छोरी असुरक्षित बनेका छन्, सर्वप्रथम परिवार नै नैतिकवान् र हिंसा रहित हुनु जरुरी छ।
’ आमा बुवामा नैतिकताको ज्ञान हुनुपर्ने र छोरा छोरी बिचका समानता कायम हुनुपर्ने उनले बताएजिल्ला प्रहरी कार्यालय कञ्चनपुरले जिल्ला स्थित ९ ओटै स्थानियतहहरुमा सुरक्षित चेली अभियान अन्तर्गत अन्तरक्रियात्मक कार्यक्रम सामाजिक मूल्य मान्यताका नाममा हुने हिंसाहरू विरुद्ध जनचेतना अभियान गरिने जनाएको छ।
सुरक्षित चेली कार्यक्रममा बोल्दै सुदुरपश्चिम प्रहरी प्रमुख उत्तम सुवेदीले सामाजिक संजालको गलत प्रयोगका कारण समाजमा अपराधिक घटनाहरु दिनप्रतिदिन बढ्दै गएको बताए ।
अधिकासं घटनाहरु सम्पुर्ण अभिभावकले आफ्नु छोरा छोरी कुन बाटो तिर हिडिरहेका छन् भन्ने वास्ता नगर्दा सामाजिक अपराधका घटनाहरु तिब्र गतिले बढदै गईरहेको डिआजि सुबेदिले बताए ।
जिल्ला प्रहरी कार्यालय कञ्चनपुरका प्रमुख प्रहरी उपरीक्षक ( एसपी ) उमाप्रसाद चतुर्बेदीले सामाजिक मूल्य मान्यताका नाममा हुने हिंसा, रुढीवादी प्रथा र आत्महत्या, सिमानाका बाट हुने चेली तस्करी, बालविवाह बहु विवाह, पितृसत्तात्मक सोच लगायतका कुरीति, कुसंस्कार, अपराध विरुद्ध स्थानियतहका जनप्रतिनिधि बुद्धिजीवीहरू सँग अन्तरक्रिया तथा पर्चा टेम्पलेट वितरण गरी बढी भन्दा बढी महिलाहरूको सहभागिता गराएर महिला हिंसा न्यूनीकरण सम्बन्धी जानकारी गराइने बताए।
