काठमाडौं । नेपाल कम्युनिस्ट पार्टी ( एमाले ) का बरिष्ठ नेता तथा पूर्वप्रधानमन्त्री माधव कुमार नेपालले केपी ओलीको व्यक्तिबाद र बिचलनले धेरै बिगारेको भन्दै अहिलेको लडाई बिचारकै भएको बताउनुभएको छ ।
शुक्रबार काठमाडौंमा अखिल नेपााल महिला संघको राष्ट्रिय कार्यकता भेलामा नेता नेपालले ओली सिद्धान्तनिष्ट र आदर्शप्रति समर्पित हुन नसकेकाले आफुहरु बिचारको लडाई लड्न बाध्य भएको बताउनुभयो ।
उहाँले अहिले क्रान्तिकारी पार्टी वा व्यक्तिवादी पार्टी बनाउने लडाई भएको भन्दै पद वा जुँगाको लडाइ नभएको पनि बताउनुभयो । वरिष्ठ नेता नेपालले ओलीको घमण्डकै कारण देश र पार्टी बिग्रेको आरोप लगाउनुभयो ।
उहाँले समाजको परिवर्तन नै आफूहरुको मुल लक्ष्य भएको तर्क गर्नुभयो । ओलीले ठीक ढंगले पार्टी नचलाएकोले आफुहरुले विरोध गरेको उहाँको भनाइ छ । त्यस्तै उहाँले आफूहरुप्रति ओलीले हामी कहाँ छौ भनेर व्यङ्ग गरेको भन्दै छिटै आफुहरु बालुवाटारमा हुने धारणा पनि राख्नुभयो ।
वरिष्ठ नेता नेपालल अव नेकपा एमालेलाई जनताप्रति समर्पित गर्दै शसक्त ढंगले समाजवादको बाटोमा अघि बढाउने उल्लेख गर्नुभयो ।
