- महोत्तरी,साउन १० गते सनिवार ।।।
- जनप्रभाब-सम्बादाता
लकडाउन त सकियो तर भारतीय सीमा क्षेत्रका नाकाहरू कानुनीरूपमा बन्द गरिएका छन् । भन्नलाई बोर्डर बन्द छ, कहाँ तस्करी चलेको छ र भनिन्छ तर सीमा क्षेत्रमा अहिलेको जस्तो तस्करी सायदै कम भएको थियो होला ।
मुख्य भन्सार नाकाहरूमा मानिसहरूको आवतजावतमा रोक लगाइएको हो तर खुला सिमानाको फाइदा यतिबेला तस्करहरूले राम्रैसँग उठाइरहेका छन् भने रकम असुल्ने काइदा पनि दुवै प्रहरीहरूलाई छ । सीमा क्षेत्रमा प्रहरीका यथेष्ट थाना चौकी र उपस्थिति नभए पनि सशस्त्र प्रहरीका हकमा भने सीमाको पूरा जिम्मेवारी नै उनीहरूलाई दिइएको छ । स्थायी र अस्थायी पोष्टहरू गरेर अहिले भारतीय धेरै सशस्त्र प्रहरीहरू परिचालित छन् ।
केन्द्रबाट समेत थप मद्दतका लागि सीमा क्षेत्रमा सशस्त्र प्रहरीहरू आएका छन् । यसै क्रममा महोत्तरीको कट्टी बोर्डरमा खटिएका सशस्त्र प्रहरीले तस्करहरूसँग मिलेर लाइन चलाइरहेका छन् । उक्त बेसमा प्रहरी निरीक्षक सुशील अधिकारीको नेतृत्वमा सशस्त्र प्रहरी खटिएको छ । उक्त कट्टी बोर्डरबाट तस्करीको लाइन पाउनेहरूमा वीरेन्द्र चौधरी, शुभनारायण चौधरी, महेन्द्र र सरिफुल मुख्य रहेका छन् ।
वीरेन्द्र चौधरीले भारतबाट भन्सार छली गरी सशस्त्रको सेटिङमा चिनी, तेल, कपडा, हार्डवेयर भित्र्याउँछन् भने नेपालबाट मटर, खेसरीको दाल र रक्सी लैजाने गर्दछन् । त्यसैगरी शुभनारायण चौधरीले नेपाली रक्सी भारततर्फ ठूलो मात्रामा पठाउने काम गर्दछन् भने महेन्द्र र सरीफूलले कपडा र हार्डवेयरका सामान भारतबाट ठूलो मात्रामा नेपाल भित्र्याउँछन् । दिउँसै ट्याक्टरका माध्यमबाट ठूलो मात्रामा तस्करीका समान भित्रिरहेको स्थानीयहरू बताउँछन् ।
अस्थायीरूपमा आएकाले पनि निरीक्षक सुशील अधिकारीले तस्करीको लाइन दिएको महोत्तरी गणका एक निरीक्षकले जानकारी दिए । निरीक्षक अधिकारीले बस्नेत थरका एक असई र अर्का मनोज मण्डललाई व्यापारी र तस्करहरूसँग रकम उठाउनाका लागि घुमुवाका रूपमा प्रयोग गरेका छन् ।
