- आलोक यादव – जनकपुर,असार १४ गते आइतबार।
पछिल्लो समय हुण्डी कारोबारीहरू सल्बलाए सगैँ २ नम्बर प्रदेश प्रहरी कार्यालय जनकपुरधामले सिमानाका देखि गाउँ ,सहर सम्म निगरानी बढाइएको देखिएको छ । विशेष वित्तिय अपराध नियन्त्रण गर्ने अभियान अन्तर्गत प्रदेश २ प्रहरीले महोत्तरीको मनरासिस्वामा १८ लाख अवैध रकमसहित तीनजना पक्राउ गरेको हो ।
महोत्तरीको मनरासिस्वा नगरपालिका वडा न. २ भलुई चोकस्थितबाट तीनै जनालाई १८ लाख रुपैया सहित नियन्त्रणमा लिइएको २ नम्बर प्रदेश प्रहरी कार्यालय जनकपुरधामका प्रवक्ता एवम् प्रहरी नायव उपरीक्षक मकेन्द्र कुमार मिश्रले जानकारी दिएका छन्।
शनिवार २ नम्बर प्रदेश प्रहरी कार्यालय जनकपुरधामबाट खटिएको विशेष टोलीले जलेश्वरबाट सम्सी तर्फ जाँदै गरेको ज ११ प ८१०८ नम्बरको मोटरसाइकलमा सवार महोत्तरीको जलेश्वर नगरपालिका वडा नं. २ का १९ वर्षीय रोहित कुमार साहलाई ९ लाख, सोही मोटरसाइकलको पछाडि सवार रहेका २७ वर्षीय जय कुमार साहलाई ५ लाख ५० हजार र प्र-२–०३–००३प ०९७ नम्बरको मोटरसाइकलमा सवार २२ वर्षीय संजय कुमार साहलाई ३ लाख ५० हजार रुपैया गरी कुल १८ लाख रुपैया सहित नियन्त्रणमा लिइएको २ नम्बर प्रदेश प्रहरीले जनाएको छ।
पक्राउ परेका तीनैजनालाई रुपैया र सवारी साधनसहित नियन्त्रणमा लिइ थप अनुसन्धान थालेको प्रहरी प्रवक्ता प्रहरी नायव उपरीक्षक मिश्रले जानकारी दिनु भयो।
फेसबुकबाट तपाईको प्रतिक्रिया !