- विजयनगर,साउन ३२ गते आइतबार ।।
- जनप्रभाब-सम्बादाता
कपिलवस्तुको विजयनगर गाउँपालिकामा झोलुङ्गे पुलको उद्घाटन भएको छ । गाउँपालिकाको वडा नं. १ र ५ मा पर्ने चिरई खोलामा पुलको निमार्ण गरिएको हो । गाउँपालिका अध्यक्ष गोपाल बहादुर थापाले शनिवार एक कार्यक्रम बीच झोलुङ्गे पुलको उद्घाटन गर्नुभएको छ ।
गाउँपालिका अध्यक्ष थापाले स्थानीयले खोलामा बर्षौ देखि झेल्दै आएका बाटोको समस्या समाधान भएको बताउनु भएको छ । अब स्थानीयले सजिलै आवतजावत गर्न सकिने भन्दै खुुसी समेत व्यक्त गर्नुभयो ।
गाउँपालिकाभित्र अति विकट क्षेत्रमा पर्ने ठाउँमा पुल निमार्णमा सहयोग गर्ने संस्था लिडो नेपालले सराहनीय कार्य गरेको भन्दै धन्यवाद दिनुभयो । उपभोक्ता समितिले अहम भूमिका निर्वाह गरी पुल निमार्ण कार्यमा सहयोग गरेकोले प्रशंसा समेत व्यक्त गर्नुभयो ।
यस्तै गाउँपालिका प्रमुख प्रशासकीय अधिकृत गोबिन्द भट्टराईले यस क्षेत्रवासीका लागि सुखद कुरा भएको बताउनुभयो । गाउँपालिका र लिडो नेपालको सहयोगले प्रशंसानीय कार्य गरेको बताउनुभयो ।
वर्षातको समयमा आकस्मिक बिरामी पर्दा औषधी उपचार गराउन, खाद्यान्न ओसार–पोसार गर्न, छोराछोरीलाई विद्यालय पठाउन एकदमै गाह्रो र अकालमै ज्यान गुमाउनु पर्ने अवस्था रहेको थियो, अहिले यस खोलामा पुल निमार्ण भएको देखिँदा साह्रै खुसी लागेको उपभोक्ता समितिका सदस्य चाम कुमारी रानाले बताउनुभयो ।
उक्त पुल ८४ लाख १० हजार ३ सय रुपियाँको लागतमा निमार्ण भएको झोलुङ्गे पुल उपभोक्ता समितिका अध्यक्ष शिवनाथ यादवले जानकारी दिनुभयो । गाउँपालिकाको वडा नं. १ र ५ का १ हजार ८४ घरधुरीले प्रत्यक्ष लाभान्वित हुने बताउनुभयो ।
