- काठमाडौं,साउन ३१ गते सनिवार ।।
- जनप्रभाब-सम्बादाता
नेपाल कम्युनिष्ट पार्टी (नेकपा) का कार्यकारी अध्यक्ष एवम् पूर्वप्रधानमन्त्री पुष्पकमल दाहाल प्रचण्डले सिन्धुपाल्चोक पहिरोमा परी भएको जनधनको क्षतिप्रति दुःख व्यक्त गरेका छन्।
उनले भनेका छन्,‘अविरल वर्षापछि आएको पहिरोका कारण शुक्रबार बिहान सिन्धुपाल्चोक जिल्लाको जुगल गाउँपालिका वडा नम्बर – २ स्थित लिदीमा १३ घर पुरिँदा ठूलो मानवीय र धनमालको क्षति भएको हो । उक्त पहिरोमा परी ७ जनाको मृत्यु र झण्डै तीन दर्जन बेपत्ता भएको घटनाले मलाई स्तब्ध बनाएको छ।’
अध्यक्ष प्रचण्डले उक्त घटनामा बेपत्ता भएकाहरुको खोजी र उद्दार कार्यमा जुट्न पार्टीका नेता तथा कार्यकर्ता, युवा, स्थानीय बासिन्दा,जनप्रतिनिधि, स्वयमसेवी र सुरक्षाकर्मीलाई आग्रह गरेका छन्। पहिरोमा परी घाइते भएकाहरुको शीघ्र स्वास्थ्यलाभको कामना गरेका छन्।
त्यसैगरी कालीकोट जिल्लाको महावै गाउँपालिकामा बिहीबार राति आएको पहिरोमा परी एकै परिवारका ६ जनाको मृत्यु भएको छ भने मकवानपुरमा पनि एक जनाको मृत्यु भएको छ। सिन्धुपाल्चोक, कालीकोट र मकवानपुर जिल्लामा पहिरोमा परी मृत्यु भएकाहरुमा पार्टीको तर्फबाट श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना व्यक्त गरेका छन्।
वर्षायाममा पहाडी भेगमा हुने गरेका यस्ता घट्नाहरुको न्यूनीकरणका लागि दीर्घकालिन समाधान खोज्न र यस्ता क्षेत्रको विकासका लागि छुट्टै मोडलको योजना तर्जुमामा ध्यान पुर्याउन उनले सम्बन्धित सबैमा अपील समेत गरेका छन्।
