- राजबिराज,साउन १९ गते सोमबार ।।
- जनप्रभाब-सम्बादाता
सप्तरी जिल्लामा भोलि देखि निषेधाज्ञा जारी हुने भएको छ । सोमबार जिल्ला प्रशासन कार्यालय सप्तरीले विज्ञप्ति जारी गर्दै मंगलबार बिहान पाँच बजेदेखि सोमबार साँझ पाँच बजेसम्म (एक सातासम्म)का लागि निषेधाज्ञा जारी गरेको जानकारी दिएको हो।
जिल्लामा अहिलेसम्म कोरोनभाइरसबाट ५ सय ३१ जना संक्रमित भइसकेका छन्। त्यस्तै संक्रमणबाट राजविराज नगरपालिकाका एक जनाको मृत्यु भएको जिप्रकाले जनाएको छ।
सोमबार जिल्ला सुरक्षा समितिको बैठकले एक हप्ता निषेधाज्ञा लगाउने निर्णय गरेको छ ।
औषधि पसल, खाद्यान्न, फलफुल तथा तरकारी, अस्पताल तथा स्वास्थ्य केन्द्र लगायत अत्यावश्यक सेवाहरू भने रोकिएको छैन। जिप्रकाले निषेधाज्ञाको उल्लंघन गर्नेलाई कानून बमोजिम कारबाही गर्ने चेतावनी समेत दिएको छ।
