- धरान,साउन १९ गते सोमबार ।।
- जनप्रभाब-सम्बादाता
धरानमा कोरोना भाइरस संक्रमितहरुको कुल संख्या २६ जना पुगेको हो । ती मध्ये १८ जना विदेशबाट आएका हुन् भने अरु ७ जना धरानमा नै रहेकाहरु हुन् ।
प्रिति भल्वमा अडिटर रहेका धरान १३ का युवामा कोरोना पोजेटिभ देखियो ।
उनी लकडाउन शुरु हुनुअघि देखि नै धरानबाहिर कतै पनि गएका थिएनन् । उनी कार्यरत उद्योगका एक जना कर्मचारी जनकपुर, विराटनगर आउजाउ गर्ने र ती कर्मचारीलाई ज्वरो पनि आएकोले उसैबाट सरेको हुनसक्ने अनुमान गरिएको थियो । त्यसो हुदा समुदायस्तरमा धेरैमा संक्रमण फैलिएको हुनसक्ने आशंका गरिएको थियो ।
संक्रमित हुनेहरूमा धरान १३ का कोरोना संक्रमित युवा काम गरेको धरान औद्योगिक क्षेत्रको उद्योगका ६ जना र अरू एन्फा क्वारेनटाइनका ४ जना गरी ९ जनामा कोरोना सक्रमण पुष्टि भएको धरान उपमहानगरपालिका स्वास्थ्य महाशाखाका प्रमुख उमेश मेहेताले जानकारी दिएका छन् ।
धरान १३ का कोरोना संक्रमित युवाले काम गर्ने गरेको धरान ८ तीनकुनेमा रहेको धरान औद्योगिक क्षेत्रका ५ वर्षीय बालिका देखि ४३ वर्ष उमेर समूहका रहेको बताइएको छ । ५ वर्षीय १ बालिका, ९ वर्षीय १ बालक, २८ र ४३ वर्षीय पुरुष र एक जना महिलामा कोरोना पुष्टि भएको छ ।
धरान १७ एन्फा क्वारेनटाइनमा बस्ने ४ जना पुरुषमा पनि कोरोना सङ्क्रमण पुष्टि भएको छ । उनीहरू ४ जना भारतीय सेनामा कार्यरत रहेको र उनीहरू भारतको मणिपुरबाट आएको बताइएको छ । उनीहरू मध्ये धरान १६ का ५७ वर्षीय, धरान ११ का ३५ वर्षीय, धरान १८ का २७ वर्षीय, धरान १५ का २३ वर्षीय पुरुष रहेको बताइएको छ ।
संक्रमित २५ मध्ये १४ जना निको भएर घर फर्किएका छन् भने ११ जना उपचाररत छन् ।
धरानमा सबैभन्दा पहिला धरान १३, शिवाधाराकी एक महिलामा संक्रमण देखिएको थियो । उनलाई कसरी संक्रमण भयो भन्ने पुष्टि हुन सकेन । त्यसपछि विदेशबाट आएर क्वारेन्टाइनमा बसेकाहरुलाई मात्र संक्रमण देखिदै आएको थियो ।
