• लहान,साउन १ गते ।
• जनप्रभाब-सम्बादाता

नयाँ प्रमुख जिल्ला अधिकारीका रुपमा सिरहामा हाजिर भएका प्रदीपराज कनेलले हाजिर भएलगत्तै कार्यालयको सेवाप्रवाहमा सुधारको सुरुवात थालेका छन् । आपूm मातहतको कार्यालयबाटै सुधारको थालनीले जिल्लाको प्रशासन चुस्त हुनुका साथै जिल्लाको मुहार फेरिनेमा सिरहाबासी विश्वस्त छन् ।

हाजिर भएलगत्तै उनले काम लिएर पुग्ने सेवाग्राहीलाई प्रत्यक्ष भेटेर सेवा दिन सुरु गरेका छन् । यसबाट अब सानो सिफारिस लिनपनि बिचौलिया र अरुको सहयोग सेवाग्राहीले लिनुपर्ने छैन । त्यसैगरी प्रमाण पत्र लगायत निवेदन सेवाग्राहीले बाहिरबाट लेखाएर ल्याउनुपर्ने झन्झट हटेको छ । त्यसका लागि प्रजिअ कनेलले सम्बन्धित फाँटका कर्मचारीलाई जिम्मेबारी दिएका छन् । 
त्यसो त जिल्ला प्रशासन कार्यालय धनुषामा रहदा उनको कार्यकालमा कार्यालयभित्रै बैंक स्थापना, सोधपुछ कक्ष, सहायता कक्षसहित सेवाग्राहीलाई लाईनमा बस्दा सेडको व्यवस्था, कार्यालयलाई वातावरण मैत्री बनाएका थिए । जसले उनको लोकप्रियता चुलिएको थियो ।

उद्योग वाणिज्य संघद्वारा स्वागत

यसैबीच उद्योग वाणिज्य संघ जिल्ला कार्यसमिति लहान सिरहाले प्रजिअ कनेललाई उद्योगी, व्यवसायीहरुको तर्फबाट जिल्लामा स्वागत गरेका छन् । 
वाणिज्य संघको सभाहलमा जिल्ला उद्योग वाणिज्य संघका अध्यक्ष अशोक अमात्य सहित उद्योगी, व्यवसायीहरुले प्रजिअ कनेललाई दोसल्ला ओढाएर स्वागत गरेका थिए । स्वागत कार्यक्रममा उद्योगी व्यवसायीहरुले व्यापार गर्ने वातावरण बनाईदिन प्रजिअ कनेलसँग आग्रह गरेका छन् ।
सामाजिक उत्तरदायित्वको काम पनि गर्न उद्योगी, व्यवसायीहरुलाई अनुरोध गर्दै स्वागत कार्यक्रममा प्रजिअ कनेलले आपूmले कुनै किसिमको अनुचित लाभ नलिने र कानुन कार्यान्वयनमा कुनै कसर बाँकी नराख्ने बताए ।

 
खोलानदी, चुरेमा हुने अवैध क्रियाकलापलाई आफुले रोक्न कुनै कसर बाँकी नराख्ने उनले बताए । त्यसका लागि सूचना उपलब्ध गराएर सहयोग गर्न सिरहाबासीलाई आग्रह गरेका छन् ।