- भरतपुर,असार २७ गते सनिवार ।
- जन प्रभाब-सम्बादाता
भरतपुर महानगरपालिकाकी मेयर रेनु दाहालले बाढी प्रभावित क्षेत्रमा स्थलगत निरीक्षणलाई तीव्र पारेकी छन् ।
नारायणी नदीको बाढीले पश्चिम चितवनको महानगरको वडा नम्बर २७ र २८ मा निर्माण गरिएको तटबन्धको एक स्पर बगाएपछि स्थलगत निरीक्षणलाई तीव्र पारेकी हुन् ।
यो विपद्को समय हो मेयर रेनुले भनिन् हामी अहिले विपद्को जोखिम कसरी न्यूनिकरण गर्ने, विपद् नै आउन नदिन के के गर्न सकिन्छ भनेर अगाडी बढेका छौँ । यहि अनुसार स्थलगत निरीक्षणमा हामी तप्पर छौँ ।
दाहालले महानगरले सक्दो चाँडो कसरी यस्तो विपद्लाई न्यूनिकरण गर्न सकिन्छ भनेर सुरक्षा निकाय, नगर प्रहरी र महानगरको विद्प युनिट लागिपरेको स्पष्ट पारिन् । मेयर रेनु आफै विपद् व्यवस्थापन टोलीसहित त्यहाँ पुगेर जनताको गुनासो समेत सुनेकी थिईन् ।
“निर्धक्क साथ बस्नुस्, महानगरले पहिला विपद् आएको ठाँउमा जोखिम हटाउने, अनि आवश्यक परेको खण्डमा राहत समेत उपलब्ध गराउँछ,” उनले भनिन्। महानगरमा हालसम्म तटबन्धन बगाउने बाहेक अरु क्षति नभएको भन्दै देशका अन्य ठाँउमा बाढीबाट अत्यधिक धनजनको क्षति भएकामा मेयर रेनुले दुःख व्यक्त गरिन्।
उनले महानगरतत्काल क्षति अनुसारको सहयोग गर्न नसके पनि बाढी पीडितलाई औषधि उपचार, बिचल्लीमा परेकालाई लत्ताकपडा तथा खाद्यान्न उपलब्ध गराउन हाई अललटमा आफुहरु बसेको समेत स्पष्ट पारिन् । बाढीले महानगरपालिकाको वडा नम्बर २७ र २८ मेघौलीको सिमानामा पर्ने निउरेचोक नजिकैको स्पर बगाएको हो । नदीले करिब ४० मिटर जमिन कटान भएको भरतपुर महानगरपालिका २८ का वडाध्यक्ष आशबहादुर कुमालले जानकारी दिनु भयो ।
