• जनकपुर,असार २२ गते सोमबार ।
• जन प्रभाब-सम्बादाता

आँपको लोभ देखाएर एक भारतीय नागरिकले नेपाली बालिकको बलात्कारपछि हत्या गरेको खुलेको हो । प्रहरीले बालिकाको बलात्कारपछि हत्या आरोपमार भारतको उत्तर प्रदेशका ३२ वर्षीय दिपु सिंहलाई पक्राउ गरेको छ । सिंहलाई धनुषा प्रहरीले आज सार्वजनिक गरेको छ ।

भैंसी चराउन गएकी जनकपुरधाम उपमहानगर–२१ कुर्थाकी ११ वर्षीया कञ्चन पंजियारको अर्धनग्न अवस्थामा गत शुक्रबार शव भेटिएको थियो । सिंहमाथि आँप दिने लोभ देखाएर बालिकाको बलात्कारपछि हत्या गरेको अनुसन्धानका क्रममा खुलेको प्रहरीले जनाएको छ ।

सिंहले बालिकाको हत्यापछि शव ब्ल्यांकेटमा बेरेर दूधमती नदी किनारको झाडीमा लुकाएको खुलेको छ । घटनाबारे थप अनुसन्धान भइरहेको धनुषाका प्रहरी प्रमुख प्रहरी उपरीक्षक रमेश बस्नेतले जानकारी दिनु भयो ।

‘बुधबार दिउँसो बालिकालाई आँपको प्रलोभनमा पारेर बलात्कार गरेलगत्तै हत्या भएको देखिन्छ।’ पत्रकार सम्मेलनमा प्रहरी उपरीक्षक बस्नेतले भने । भैंसी चराउन गएकी कञ्चन राति अबेरसम्म घर नआएपछि खोजी गरेको परिवारले बिहीबार प्रहरीमा उजुरी दिएको थियो ।