- काठमाडौं ,असार २० गते सनिवार ।
- जन प्रभाब-सम्बादाता
कोरोना भाईरसका कारण बन्द रहेको चन्द्रागिरी हिल्स सञ्चालन गर्न तयार रहेको सञ्चालकहरुले बताएका छन् । नेपालकै आर्कषक पर्यटकीय क्षेत्र चन्द्रागिरी सञ्चालनमा ल्याउन आफुहरु तयार रहेको सञ्चालकहरुको भनाइ छ ।
चन्द्रागिरी हिल्सका सञ्चालक हेमराज ढकालले पर्यटकीय केन्द्र कोरोना भाईरसका त्राससँगै बन्द अवस्थामा रहेको चन्द्रागिरी केवलकार उच्च सुरक्षा सतर्कता अपनाएर खोल्न तयार रहेको बताउनु भयो । उहाँले अब खुला गर्दा आन्तरिक पर्यटकलाई विशेष सहुलियतको प्याकेज दिने तयारी भइरहेको समेत जानकारी दिनुभयो ।
चन्द्रागिरी हिल्सकाका महाप्रबन्धक अभिषेकविक्रम शाहले सरकारले खुला गर्न अनुमति दिए तत्कालै खुलाउन सकिने गरी,विश्व स्वास्थ्य संगठनको मापदण्ड अनुसार खोल्नेलाई सवै कार्य तयारी भईसकेको बताउनुभयो । उहाँले भन्नुभयो ‘हामी पूर्णरुपमा सुरक्षित र मर्यादित तवरले समाजिक दूरी कायम गर्दै सरकारले खोल भनेसँगै हामी तयारी अवस्थामा छौं ।
