काठमाडौँ । सरकारले सुन तस्करी जाँचबुझ आयोगको म्याद २ महिना थप गरेको छ । सोमबार बसेको मन्त्रिपरिषद् बैठकले सुनको अवैध पैठारी तस्करी नियन्त्रणसम्बन्धी जाँचबुझ आयोगको म्याद २ महिना थप गर्ने निर्णय गरेको हो ।
विद्युतीय चुरोट (भेप) र ब्रेक सुमा लुकाएर विमानस्थल हुँदै तस्करी भएको सुन सम्बन्धी छानबिन र कारबाही सिफारिस गर्न असोज १४ मा पूर्वन्यायाधीश डिल्लीराज आचार्यको अध्यक्षतामा सरकारले चार सदस्यीय आयोग गठन गरेको थियो ।
असोज १४ गते आयोगको म्याद आज सकिदै थियो । सरकारले दिएको समय सकिनै लाग्दा पनि अनुसन्धान नसकिएको भन्दै २ फागुनमा आयोगले १५ दिन म्याद थप मागेको थियो । तर, सरकारले आयोगलाई थप २ महिना समय थप गरेर सुन अनुसन्धान सक्न ७ महिनाको समय दिएको हो । आयोगमा पूर्व एआईजी सहकुल थापा र सहसचिवद्वय किशोरजंग कार्की र प्रेमराज जोशी सदस्य छन् ।
