काठमाडौं । नेकपा (एकीकृत समाजवादी) का अध्यक्ष माधवकुमार नेपालले सर्मसम्मति भएमा मात्रै आफू राष्ट्रपतिको उम्मेदवार बन्ने बताएका छन् । आज (बिहिबार) प्रधानमन्त्रीको कार्यालय सिंहदरबारमा प्रधानमन्त्री पुष्पकमल दाहाल ‘प्रचण्ड’ भेट्न आएका अध्यक्ष नेपालले पदलोलुप देखिएर राष्ट्रपति नहुने बताएको प्रधानमन्त्री निकट स्रोतले बताएको छ ।
राष्ट्रपतिको विषयलाई लिएर अध्यक्ष नेपाल निरन्तर संवादमा रहेका छन् । उनलाई राष्ट्रपति बनाउन नेकपा (एमाले) का अध्यक्ष केपी शर्मा ओलीलेसमेत प्रधानमन्त्री प्रचण्ड समक्ष सिफारिस गरेका छन् ।
आजको छलफल पछि प्रधानमन्त्री प्रचण्डले नेता नेपालको उम्मेदवारीका बारेमा अन्य दलका शीर्ष नेतासँग पनि छलफल गरेर टुंग्याउने आश्वासन दिएका छन् ।
