काठमाडौँ ,जेठ १२ गते सोमबार । मुस्लिम आयोगका अध्यक्ष समिम मिँया अन्सारीले इस्लाम धर्मावलम्बीको पवित्र पर्व ‘इद उलफित्र’ का अवसरमा सम्पूर्ण मुस्लिम समुदायमा सुख, शान्ति एवं समृद्धिका लागि शुभकामना व्यक्त गर्नु भएको छ ।
अध्यक्ष मियाँले आज एक शुभकामना सन्देशमार्फत इद उलफित्रको पवित्र पर्वले नेपाली समाजमा धार्मिक सहिष्णुता र सद्भावना बढाउँदै आएको र यो पर्वले मुलुकमा शान्ति, सद्भाव र समृद्धि ल्याउन सबैलाई प्रेरणा दिने विश्वास व्यक्त गर्नु भएको छ ।
उहाँले देश संकट पूर्ण अवस्थाबाट गुज्रिरहेकोले कोभिड १९ बाट जोगिनका लागि लकडाउनको पालना गरि घरमा इदको नमाज पढ्न अपिल गर्नु भयो । सरकारले घोषणा गरेको लकडाउनको उल्लघन नगर्न नगराउन सबै संग अपिल गर्नु भयो ।
‘लोकतन्त्रको स्थापना र पुनःस्थापनाका लागि विगतमा भएका हरेक लोकतान्त्रिक आन्दोलनमा इस्लाम धर्मावलम्बी दिदीबहिनी तथा दाजुभाइको महत्वपूर्ण योगदान रहँदै आएको उल्लेख गर्दै कोरोनाको संक्रमणबाट मुक्ति दिलाउनका लागि घरमै बसेर प्राथना गर्न सुझाव दिनु भयो ।
