नवलपुर, जेठ ११ गते आइतबार ।
गैंडाकोटमा कुखुराको खोर भत्किदा दुई जनाको मृत्यु भएको छ । आज साँझ आएको हावाहुरी सहितको वर्षाका कारण खोर भत्किदा गैंडाकोट नगरपालिका वडा नंं. ८ का ३५ वर्षीया काशिराम पौडेल र ४० वर्षीया सुर्यबहादुर भण्डारीको ज्यान गएको इलाका प्रहरी कार्यालय गैंडाकोटले जनाएको छ

साँझ हावाहुरी आएको वखत कुखुरा फर्ममा कुखुरालाई दानापानी दिने क्रममा रहेका पोल्ट्री फर्मका सञ्चालकद्धय पौडेल र भण्डारीको ज्यान गएको इलाका प्रहरी कार्यालय गैंडाकोटका प्रमुख एवं प्रहरी निरीक्षक चन्द्रबहादुर थापाले जानकारी दिनुभएको छ ।

उहाँका अनुसार अत्यधिक ठूलो हावाहुरी चल्दा बासँबाट बनेको कच्चि खोर भत्किएर उनीहरुको मृत्यु भएको हो । घटनाबारे बिस्तृत जानकारी अनुसन्धान भईरहेकाे प्रहरीले जनाएकाे छ ।