सिराहा । स्थानीय तहको निर्वाचनमा सुरक्षाको दृष्टिकोणले अति संवेदनशिल जिल्ला मानिएको सिराहामा यसपटक कुनै अप्रिय घटना नभई निर्वाचन सम्पन्न भएको छ ।
प्रमुख जिल्ला अधिकारी (सिडिओ) लालबाबु कवारी र जिल्ला प्रहरी कार्यालय सिराहाका प्रमुख एसपी अर्जुन प्रसाद तिमिल्सिना , राष्ट्रिय अनुसंधान सिराहाका प्रमुख एसपी तुलसी प्रसाईं र सशस्त्र प्रहरी बल ७ नम्बर गण हे.क्वा.सिराहाका प्रमुख एसपी रमेश थापाले निर्वाचन अघि नै सुरक्षा चुनौतीबारे विश्लेषण गर्दै आवश्यक तयारी गरेका थिए ।
चुनावमा खटिने सुरक्षाकर्मीदेखि आवश्यक स्रोत साधनको भरपुर प्रयोग गरी सुरक्षालाई मजबुत बनाएका कारण पनि सिराहामा कुनै अप्रिय घटना हुन पाएन ।
तर, सिडिओ र एसपीहरुले शान्ति सुरक्षाको विषयमा भने निकै चलाखीपूर्ण तरिकाले अध्ययन गरेका कारण उनीहरु सफल भएको राजनीतिक दलकै प्रतिनिधिहरु बताउँछन् ।
