काठमाडौं । नेकपा एमालेका अध्यक्ष केपी शर्मा ओलीले चुनावमा पाँच दललाई पत्तासाफ गर्ने दाबी गरेका छन् । उनले गृहजिल्ला झापाको हल्दिबारी गाउँपालिकाको चुनावी सभालाई सम्बोधन गर्दै पाँच दललाई दुईवटा चुनावमा पत्तासाफ गर्ने दाबी गरेका हुन् ।
ओलीले पाँच दलको गठबन्धन रहेकै अवस्थामा एमालेले पराजित गरेर देखाउने भने । उनले व्यङ्ग्य गर्दै भने,‘यो गठबन्धन टुटिहाल्छ कि भन्ने डर छ । पाँचैलाई एकै पटक कर्याककुरुक पारेर फाल्दिनु जति आनन्द केहीमा हुँदैन ।’
अहिले एकातिर एमाले र बाँकी दल अर्कोतिर रहेको तर्क गरे । गठबन्धनकै कारण एमालेलाई झन् फाइदा भएको दाबी गरे ।
