लहान । नेपाली काङ्ग्रेसबाट बरियारपट्टी गाउँपालिकाको अध्यक्ष पदमा आफू उम्मेदवारी दिन तयार रहेको नेपाली काङ्ग्रेसका मधेस प्रदेश सदस्य तथा युवा नेता सरोज यादवले बताउनु भएको छ ।
बरियारपट्टी गाउँपालिका कचनारी घर भएका यादव लामो समय देखि नेपाली काङ्ग्रेसको राजनीतिमा सकृय छन् ।
कक्षा ८ देखि नै उहाँ नेपाली काङ्ग्रेसको भातृ संगठन नेपाल बिद्यार्थी संघमा आबद्ध भई हाल नेपाली काङ्ग्रेसको सम्पन्न १४ औं महाधिवेशनमा मधेस प्रदेशको सदस्यको रुपमा भारी मतले बिजय भएको छ । समाज परिवर्तनका लागि युवा नेतृत्वको खाँचो रहेको नेता यादवले बताए । युवा नेतृत्वले देश र समाजलाई परिवर्तन गर्न सक्छ ।
उनी भन्छन् , ‘पार्टीले अध्यक्ष पदका लागि आफुलाई अवसर दिएमा र जनताले निर्वाचित गराएको खण्डमा शिक्षा ,स्वास्थ्य, भौतिक पुर्वाधार , रोजगार लगायत विपन्नवर्ग समुदायलाई उत्थान गर्न आफू आमूल परिवर्तन ल्याउन सक्छु।,
युवाहरूको ढुकढुकी रहका उनि हरेक समय पार्टीको लागि अहोरात्र खट्ने र संगठनका लागि योगदान दिने असल नेताको रुपमा चिनिन्छन् ।समाजसेवाको क्षेत्रमा पनि नेता यादवको महत्त्वपूर्ण योगदान रहेको स्थानीयहरु बताउँछन् ।
