वीरगंज । सशस्त्र प्रहरी बल नेपालले वीरगंजबाट १६ लाख मूल्य बराबरको कपडा लोड गरिएको ट्याक्टर नियन्त्रणमा लिएको छ ।
सशस्त्र प्रहरी बल, नेपाल नं. १३ गण हे.क्वा पर्साबाट खटिएको ९ जनाको गाडी मोवाइल टोलीले मंगलबार साँझ ५ः३० को समयमा वीरगंज-२५ अलौं-वीरगंज सडकखण्डमा आई.सि.पि.बाट वीरगंज तर्फ आउँदै गरेको ना ५ त ५४९४ ट्याक्टर र उक्त ट्याक्टरमा लोड भएको १६ लाख नौ हजार आठ सय ७३ रुपंयाँ बराबरको बिल बिजकभन्दा फरक मालसामान रहेको सूचनाको आधारमा नियन्त्रणमा लिईएको १३ नं. गणका सूचना अधिकारी सन्तोष कुमार बस्नेतले बताउनु भयो ।
बरामद गरिएको उक्त ट्याक्टरको १० लाख मूल्याङ्कन गरी आवश्यक अनुसन्धान तथा थप कारबाहीको लागि राजश्वक अनुसन्धान कार्यालय पलैया बारामा बुझाईएको सशस्त्र प्रहरी नायब उपरीक्षक बस्नेतले बताए ।
बरामद सामान र ट्याक्टर समेत गरी २६ लाख नौ हजार आठ सय ७३ रुपैयाँ मूल्याङ्कन गरि पठाइएको सशस्त्र प्रहरीले जनाएको छ ।
