काठमाडौ । नेपाल प्रहरीको ठेक्का अभियान चलिरहेको छ। सबैभन्दा बढी रकमको चुस्ता र डिएमएस बुटकाे ठेक्का अहिले चलिरहेको छ। यो ठेक्का पाउनकाे लागि धेरै चलखेल र दाैडधुप चलिरहेको छ। डिएमएस बुटमा ठेक्का हाल्ने पहिलो र दाेस्राे कम्पनी बीच दुई करोडकाे अन्तर देखिएको छ। रकम फरक भए पनि आवश्यक कागजात र मागेको रिपोर्ट पास छ छैन त्यो ठूलो कुरा हो ।त्यही अवस्था चुस्तामा पनि छ। ठूलो ठेक्का हात पार्न ठेकेदारहरू बीच अस्वस्थ प्रतिस्पर्धा र चलखेल चलेको छ।

एउटा समूहले अर्को समूहको बिराेधमा उत्रिएका छन् । प्रहरी प्रधान कार्यालयकाे प्रबन्ध शाखाबाट समेत केही ठेकेदार जसले बढी कमिशन दिने गरेका छन् उनीहरूको पक्षमा वकालत गर्दै आएकोेले पनि यो ठेक्का प्रक्रिया बिबादमा परिरहेको छ। प्रबन्धमा कार्यरत अधिकारीहरूले सबै ठेकेदारलाई समान व्यवहार नगर्ने र जसले चाकडी , चाप्लुसी अनि भनेको रकम दिन्छन् तिनीहरूकाे पक्ष लिए पछि यो अवस्था आएको बताइन्छ । अहिलेकाे ठेक्कामा धेरै चलखेल हुन थालेपछि प्रशासन तथा मानवस्राेत बिभागका एआइजी बिश्व पाेखरेलले निकै चासोका साथ हेरेका समेत थाहा भएको छ।

आगामी बैशाख १९ गतेदेखि नेपाल प्रहरीको आइजिपीकाे रूपमा हेरिएका पाेरखेरलाई भेट गर्नकाे लागि केही ठेकेदारले निकै प्रयास गरेपनि उनले भेट नदिएको थाहा भएको छ। पहिले डिएसपी हुदा प्रबन्ध बसेका कारण उनलेे प्रहरीमा सामान दिने ठेकेदारहरू नचिन्ने त प्रश्न नै अाउदैन तर अहिले उनलाई भेट गर्न केही ठेकेदारले निकै प्रयास मात्रै गरेनन कि नेता देखि अन्यको साेर्सफाेर्स पनि प्रयोग गरे तर पनि पाेखरेलले भेटेनन।

विगत बर्षहरूमा ठेक्का सेटिङमा मिलाउने , हाई रेटमा खाने , भित्र माेटाे कमिशन बुझाउने मात्रै हाेइन अघिल्लो बर्षहरूमा फेल भएर गाेदममा राखेको सामान कमिशन दिएको भरमा केही नयाँ बनाई बांकी त्यही फेल भएको सामान बुझाउने चलन मात्रै हाेइन प्रचलन नै । जसको कारण प्रहरीमा लत्ताकपडा दुई चार पटक धुदा खुइलिने , लगाएको महिना दिन बित्न नपाउदै च्यातिने गरेको छ। यो सबै सेटिङमा भएको कारण हो । हालका आइजिपीले पनि यो षड्यन्त्र र भ्रष्टाचारको जालो च्यात्न र छिचाेल्न सकेनन् ।

सेना र सशस्त्रमा यो अवस्था धेरै कम छ मात्रै हाेइन न्यून छ तर नेपाल प्रहरीमा धेरै चलखेल , सेटिङ र आर्थिक लेनदेन भएको कारण नै तल्लो तहका प्रहरीले कहिल्यै राम्रो र खतिलाे कपडा लगाउन पाएका छैनन् । प्रबन्धमा आउन अनेकौं प्रयास गर्ने र त्याहाबाट जान नखाेज्ने मात्रै हाेइन त्याहां कार्यरत रहेको बर्षदिनमा कराेडाै कमाउने भएको कारण नै प्रहरीले गुणस्तरीय कपडा लगाउन नपाएको यथार्थ हो ।

यो अवस्था एआजिपी पाेखरेलकाे बुझेको कारण पनि केही ठेकेदार अहिले देखि उनलाई भेटेर सेटिङ मिलाउन आतुर भए पनि उनलेे भेट दिएका छैनन् । अहिले डिएसएस बुटमा पनि चलखेल शुरू भैसकेको छ।