कैलाली । नेपाली काँग्रेस सुदूरपश्चिम प्रदेश सभापतिमा वीरबहादुर बलायर र नारायण दत्त मिश्रले उम्मेदवारी दर्ता गराएका छन् । धनगढीकाे ॐ पाटी प्यालेसमा शुक्रबार दिउँसो ३ बजेपछि बलायर र मिश्रले प्यानलसहित सभापतिमा उम्मेदवारी दिएका हुन् । बलायरकाे प्रस्तावकमा कञ्चनपुरका जिल्ला सभापति पदम बाेगटी र समर्थकमा डाेटी जिल्ला सभापति नरेन्द्र सिंह बसेका छन् ।

यस्तै मिश्रकाे प्रस्तावकमा बैतडी जिल्ला सभापति चुरबहादुर चन्द र समर्थनमा दार्चुलाका सभापति ललितजंग बाेहाेरा रहेका छन् । बलायर काँग्रेस सभापति शेरबहादुर देउवा समूहबाट सभापतिकाे उम्मेदवार बनेका छन् भने मिश्रलाई वरिष्ठ नेता रामचन्द्र पाैडेल समूहकाे समर्थन छ । बलयारकाे प्यानलबाट उपसभापतिमा जनक चाैधरी र लाेकराज अवस्थी उम्मेदवार बनेका छन् ।

महामन्त्रीमा नरनारायण शाह (मनु) र मेघराज खड्का उम्मेदवार बनेका छन् भने सहमहामन्त्रीमा गाेपालदत्त भट्ट, चिन्तामणि भट्ट र अम्बिका चलाउनेलाई उम्मेदवार बनाइएकाे छ । यस्तै मिश्र प्यानलबाट उपसभापतिमा मनबहादुर रावल र गाेपाल गुरुङले उम्मेदवारी दिएका छन् । यस्तै महामन्त्रीमा प्रताप गुर्दामी र रामबहादुर शाहीले उम्मेदवारी परेकाे छ भने सहमहामन्त्री पदमराज पन्त, नरेन्द्र भट्ट र खिना भण्डारी (कुँवर) ले उम्मेदवारी दर्ता गराएका छन् ।