सुर्खेत । नेपाली काँंग्रेसको दैलेख जिल्ला सभापतिमा मणिराम रेग्मी विजयी भएका छन् । वरिष्ठ नेता रामचन्द्र पौडेल पक्षका रेग्मीले पार्टी सभापति शेरबहादुर देउवा पक्षका घनश्याम भण्डारीलाई ३७ मतान्तरले पराजित गरे ।
रेग्मीले ७९१ र भण्डारीले ७५४ मत प्राप्त गरे । दैलेख यसअघिदेखिनै पौडेल समुहको पकड क्षेत्र मानिन्छ । रेग्मीका प्रतिद्वन्द्वी भण्डारी दुल्लु नगरपालिकाका मेयर हुन् ।्रदेशका अन्य जिल्लामा देउवा पक्षले पौडेल पक्षको बिरासत भत्काए पनि दैलेखमा भने देउवा पक्ष पराजित भयो ।
यस्तै जिल्ला उपसभापतिमा नवराज शाही र रीताकुमारी शाही, सचिवमा खेमराज वली र नारायणप्रसाद रेग्मी र उपसचिवमा कनकबहादुर सेन ठकुरी र महेन्द्रबहादुर शाही विजयी भएका छन् ।
