विराटनगर । विराटनगरबाट कम मूल्यांकनमा भन्सार जाँचपास गरेर ल्याएको दुई ट्राकटर कपडा प्रहरीको टोलीले नियन्त्रणमा लिएको छ ।

बीआर ५० जी ५०३५ र को १ त ६८११ नम्बरको एउटा ट्याक्टर भन्सारबाट मुख्य राजमार्ग तर्फ आउने सडक र अर्को ट्राकटर जतुवाबाट प्रहरीले नियन्त्रणमा लिएको हो ।

नियन्त्रणमा लिइएको सामान आइतबार राती भन्सारमा कार्यरत कर्मचारीको मिलेमत्तोमा विराटनगर -६ का अकबर अलिले ल्याएको जिल्ला प्रहरी कार्यालय मोरङका प्रहरी निरीक्षक पप्पु नायकले जानकारी दिएका छन् ।

नियन्त्रणमा लिइएको ट्राकटर र सामान भन्सार कार्यालयमा बुझाउने तयारी भईरहेको प्रहरीले जानकारी दिएको छ ।