काठमाडौं । नेपाल कम्युनिस्ट पार्टी ( एमाले ) का अध्यक्ष तथा पूर्वप्रधानमन्त्री केपी शर्मा ओली समुहका सांसदहरूले समेत प्रधानमन्त्री शेरबहादुर देउवालाई विश्वासको मत दिएका छन् । ओली पक्षका केहि प्रभावशाली सांसदहरुले प्रधानमन्त्री देउवालाई विश्वासको मत दिएका हुन् ।
मत दिनेहरूमा यसअघि केपी ओली नेतृत्वको सरकारमा वनमन्त्री रहेका सांसद प्रेम आले तनहुँबाट निर्वाचित सांसद किसान श्रेष्ठ र डोल्पाबाट प्रत्यक्ष निर्वाचित सांसद धनबहादुर बुढाले पनि देउवालाई विश्वासको मत दिएका छन् ।
उनीहरु विश्वासको मतको पक्षमा मतदान गर्न एमाले वरिष्ठ नेता माधवकुमार नेपालसंगै लबीमा प्रवेश गरेका छन् ।
