कदमाहा । ईलाका प्रहरी कार्यालय कडरबोना सप्तरीले अवैध लागुओैषध सहित एकजनालाई नियन्त्रणमा लिएको छ । सुरुङ्गा नगरपालिका ६ कडरबोना चौक स्थित गोप्य सुचनाको आधारमा गएको प्रहरी टोलीले पश्चिमबाट पुर्ब तर्फ आउदै गरेको ना १ ज ७७१२ नं.को बिङ्गर गाडी रोकी चेक जाँच गर्ने क्रममा विङ्गरको आगाडी चालक भन्दा बाँया पटीको सिटमा बसेको सप्तरी कृष्ण साबरण अग्नीसाईर गाउँपालिका ५ जन्डौल टोल घर बताउने मो.यासिनको छोरा अं.बर्ष १९ को मो.सदरलाई पक्राउ गरेको हाे ।

सदरले बोकेको निलो रङ्गको झोलाबाट NITRAVET-10 Tablet पत्तामा जम्मा ३०० पिस र Phenergan ३८ एम्पुल , NOOPHIN ३८ एम्पुल र Phenergan ३८ एम्पुल गरी जम्मा ११४ एम्पुल लागुऔषध फेला परेको इलाका प्रहरी कार्यालय कडरबोनाका प्रमुख प्रहरी निरिक्षक बिरेन्द्र पासवानले जानकारी दिए । उक्त क्षेत्रमा पासवान गएपछि अबैध धन्दा ,लागुओैषध काराेबार नियन्त्रण हुदै आएको छ ।