काठमाडौं । प्रधानसेनापति पूर्णचन्द्र थापाले पाइलट उपरथी दर्जामा पदोन्नति भएका आशिष नरसिंह राणालाई दर्ज्यानी चिन्ह प्रदान गरेका छन् ।
प्रधानसेनापति थापाले जंगी अड्डामा आयोजित एक विशेष कार्यक्रमका बीच शुक्रबार राणालाई पाइलट उपरथी दर्जाको दर्ज्यानी चिन्ह प्रदान गरेका हुन् ।
नेपाल सरकारको असार ७ गते बसेको मन्त्रीपरिषद् बैठकले पाइलट सहायक रथी राणालाई पाइलट उपरथी दर्जामा पदोनन्ती गरेको थियो ।
उपरथी दर्जामा पदोन्नति भएका राणालाई सैनिक हवाई महानिर्देशनालयको महानिर्देशकमा पदस्थापना गरिएको छ । उक्त कार्यक्रममा नेपाली सेनाका रथीबृन्द तथा अधिकृतहरूको उपस्थिति रहेको थियो ।
