काठमाडौं। राष्ट्रपति विद्यादेवी भण्डारीले गृहमन्त्रीसहित चारवटै सुरक्षा निकायका प्रमुखहरूलाई शीतलनिवास बोलाएर छलफल गरेकी छन्।

शुक्रबार अपराह्न राष्ट्रपति कार्यालय शीतल निवासमा गृहमन्त्री खगराज अधिकारी, नेपाली सेनाका प्रधानसेनापति पुर्णचन्द्र थापा, नेपाल प्रहरीका महानिरीक्षक शैलेश थापा क्षेत्री, सशस्त्र प्रहरी महानिरीक्षक शैलेन्द्र खनाल र राष्ट्रिय अनुसन्धान विभागका प्रमुख गणेशप्रसाद अधिकारी पुगेका थिए।

उनीहरूसँग झन्डै एकघन्टा राष्ट्रपतिले ब्रिफिङ लिएकी छन्। तर, उक्त छलफल के विषयमा भयो भन्ने चाहिँ खुलाइएको छैन। मुलुकको पछिल्लो सुरक्षा अवस्था र विपद् व्यवस्थापनबारे राष्ट्रपतिले छलफल गरेको भनिए पनि चारै सुरक्षा प्रमुखहरुसँग गृहमन्त्रीसहितको छलफल किन भयो भन्ने बताइएको छैन।