काठमाडौं। छिमेकी राष्ट्र चीनले अनुदानमा उपलब्ध गराएको अक्सिजन सिलिण्डर लिन आज नेपाल एयरलाइन्सको वाइडबडी जहाज फेरि बेइजिङ जाँदैछ ।यसअघि गत वैशाख २७ गते पनि पहिलो खेप स्वास्थ्य सामग्री लिन वाइडबडी जहाज चीनको राजधानी बेइजिङ गएको थियो ।

चीनले नेपाललाई २० हजार थान अक्सिजन सिलिण्डर अनुदानमा दिने घोषणा यसअघि नै गरिसकेको छ । नेपालका लागि चिनियाँ राजदूत होउ यान्छीले नेपाल पठाउनका लागि दोस्रो खेप अक्सिजन सिलिण्डर तयार भएको जानकारी गराएकी छन् ।

दोस्रो पल्ट स्वास्थ्य सामग्री लिन वाइडबडी जहाज आज साँझ बेइजिङ उड्ने नेपाल एयरलाइन्सका महाप्रवन्धक डिमप्रकाश पौडेलले जानकारी दिएका छन् । यो जहाजले कम्तिमा ४ सय थान सिलिण्डर, ४ सय थान अक्सिजन कन्सन्टे«टर र अन्य चिकित्सा सामग्री नेपाल ल्याउने छ ।