काठमाडौं । शनिबार दिउँसो काठमाडौंको वातावरणमा केहि सुधार आएको छ । शुक्रबार विश्वकै पहिलो प्रदुषित शहरमा परेको काठमाडौं शनिबार भने तेस्रो स्थानमा झरेको छ । विश्वको प्रदुषण मापन गर्ने आइक्यूएआईआर डट कमले शुक्रबार दिउँसो चीनको राजधानी बेइजिङलाई विश्वको पहिलो प्रदुषित शहरको रुपमा मापन गरेको छ ।
त्यस्तै दोस्रो प्रदुषित शहरको रुपमा बंगलादेशको राजधानी ढाकालाई राखेको छ । त्यस्तैगरी भारतको मुम्बाई, भारतकै कोलकत्ता, क्रमश चौँथो र पाँचौँ प्रदुषित शहरमा परेका छन् । अहिले विश्वकै प्रदुषित बनेको बेइजिङको एक्यूआई १९१ रहेको छ । त्यस्तै दोस्रो प्रदुषित शहरमा रहेको बंगलादेशको ढाका को एक्यूआई १७९ रहेको छ ।
तेस्रो प्रदुषितत शहर काठमाडौंको एक्यूआई १६३ रहेको छ । र, चौथो र पाँचौ प्रदुषित शहरमा रहेका मुम्बई र कोलकत्ताको एक्यूआई क्रमश १६२ र १५८ रहेको छ । सामान्यत एक्यूआई ५० भन्दा कम भएको अवस्थालाई सामान्य वातावरण मानिने बिज्ञहरुको भनाइ छ ।एक्यूआई ३ सय भन्दा माथि पुग्नुलाई स्वास्थ्यका लागि हानिकारक मानिन्छ । जसले मानव स्वास्थ्यमा गम्भीर हानी पुर्याउन सक्ने स्वास्थ्यविदहरु बताउछन् । वायु प्रदुषणका कारण काठमाडौंको वातावरण धुम्म भएको छ ।
नेपालमा वायु प्रदुषण हुनुको प्रमुख कारण भारतका विभिन्न स्थानहरुबाट उडेर आएको धुलो र नेपालको विभिन्न ठाउँमा भइरहेको आगलागी भएको विज्ञहरुको भनाइ छ ।जसका कारण नेपालको एक मात्र अन्तर्राष्ट्रिय विमानस्थलका त्रिभुवन अन्तर्राष्ट्रिय विमास्थलको सेवासमेत शुक्रबार बाटै प्रभावित भएको छ ।
