अर्काको जीवन बचाउन ज्यानको बाजि लगाउने प्रहरी माथी आक्रमण हुनु दु:खद – उप-सभापति यादव

प्रकाशित मिति -२०७७ बैशाख २ गते.

सिरहा । जिल्ला समन्वय समिति सिरहाको उप-सभापति सरोज कुमार यादवले भने आफ्ना सवै कुराहरु भुलेर जनताको सेवामा डटछ प्रहरी ,अर्काको जीवन बचाउन ज्यानको बाजि लगाउछ प्रहरी , काम नगर्ने वा थोरै गर्नेहरुको सुरक्षामा पनि २४ घण्टा खटछ प्रहरी ,अरुलाई उठाउँदा उठाउँदै आफु भने धेरै पटक लड़छ प्रहरी तर प्रहरी माथीनै केहि स्थानीयहरुले आक्रमण गरेको घटना दु:खद रहेको बताए । उप- सभापति यादवले भने सेवा सुविधा अति न्यून छन् तर पनि सदैव जोशमै हुन्छ प्रहरी , चुनौती र अप्ठेराहरुमा पनि हरहमेशा होसमै हुन्छ प्रहरी , निजि जीवन त हुँदै हुन्न परिवारबाट समेत टाढा रहन वाध्य प्रहरी ,आफ्नो दुख पिडा भुलेर अन्यको सुख र सुरक्षाको साध्य प्रहरी ।

सवैको निम्ती खटनु छ तर आफुलाइ चाहिँदा एक्लै हुन्छ प्रहरी , अरुलाइ मिल्ने थुप्रै अवसरहरु नपाउने हुँदा बेग्लै छ प्रहरी , सवैलाइ चाहिन्छ तर पनि हुनुपर्ने जति हुन नपाउने रहेछ प्रहरी , आवश्यकता नपर्दा सबैभन्दा गाली गरिने निकाय भएछ प्रहरी ।

सवैभन्दा गतिलो छ तै पनि अनाहकमा पटक पटक जानजान किन आक्रमणमा पर्छन् प्रहरी ,
साइनो कतै नभएपनि सत्ता र शक्तीको लडाँइमा अक्सर विचमा पारिन्छन प्रहरी ।
सर्न कतै मन हुदैन उनीहरुको तर पनि आवश्यकता अनुसार सामयिक असामयिक रुपमा सारिन्छन पनि प्रहरी ।
यत्रो त्याग र वलिदान गर्छन उनीहरु अनि फेरी किन पटक पटक जनताबाट नै घाइते हुन्छ प्रहरी ? अहिले राजनीतिक आडमा अपराधका घटना बढ्दै गएका छन् । कुनै घटना घटे राजनीतिक संरक्षण पाइने मानसिकताका कारण अपराधीको मनोबल बढ्दै गइरहेको छ । अझ पहुँचमा पुग्ने वित्तिकै जे पनि गर्न सकिन्छ भन्ने सोचका कारण समस्या झनै बढिरहेको छ । राजनीतिक विश्लेषकहरु भन्छन्– ‘पहिला अपराधि आफ्नै जगबाट अपराध गर्छ, त्यहि जगको आधारमा नेताको नजिक पुग्छ । अनि मिलिभगतमा आतंक मच्चाएर राजनीति गर्छन् । यो नै अहिलेको समस्या हो ।’

‘थ्री एम’ अर्थात मनि, माइन्ड, मसल संसदीय निर्वाचनमा अनिवार्य भएकाले चुनाव जित्नकै लागि राजनीतिक दलका नेताहरुले गुन्डा, ठेकेदारलाई साथमा लिने गरेको आरोप लगाए । पहिले साथ लिएका व्यक्तिलाई पछि व्यवस्थापन गर्न नसक्दा यस्ता घटना बढ्न थालेको छ । उप- सभापति यादवले भने राजनीतिक आवरणमा हुने भ्रष्टाचार र आपराधिक गतिविधि नियन्त्रण चुनौतिको विषय भएको बताए तर सिरहा नगरपालिका वडा नम्बर -१७ स्थित पर्टेवामा लकडाउन निगरानी गर्न पुगेका बेला प्रहरी माथी भएको आक्रमणमा राजनीति संरक्षण नहोस दोषी माथी कडा भन्दा कडा कर्बाही होस । यस विषयमा जिल्ला समन्वय समिति सिरहाले प्रेस विज्ञप्ति जारी गर्दै राजनीति दलहरु लाई सचेत गराएका छन् । भन्ने दोषीलाई कडा भन्दा कडा कर्बाही गर्न माङ गरेको छ ।
यस्तो थियो घटना सिरहा नगरपालिका वडा नम्बर -१७ स्थित पर्टेवामा लकडाउन निगरानी गर्न पुगेका बेला प्रहरी र स्थानीयवीच झडप भएको थियो । सोमवार साँझ प्रहरीको टोलीले सडकमा रहेका स्थानीय रामकुमार यादवलाई सम्झाउदा झड्प सुरु भएको थियो । स्थानीयले प्रहरीको भ्यानमा ढुङामुढा गरेको र लट्टी पनि खोसेको थियो । स्थानीयको ढुङामुढावाट जिल्ला प्रहरी कार्यालय सिरहाका प्रवक्ता तथा डिएसपी विनोद घिमिरे लगायत चारजना घाईते समेत भएको थियोे । उनीको टाउकोमा चोट लागेको छ । जिल्ला प्रहरी कार्यालय सिरहाका प्रहरी उपरीक्षक उमा चर्तुवेदीले प्रहरी टोलीमाथि ढुङामुढा भएकोले घेरा हालेर दोषी खोजिरहेको बताए । उनले भने,‘प्रहरीलाई चोटपटक लागेको छ । अवस्था समान्य छ । स्थिती नियन्त्रणमा लिन हवाई फायर गरियो ।’ यसैवीच जिल्ला प्रहरी कार्यालयवाट पुगेका प्रहरीको टोलीले अहिले झड्प स्थल गोईतानी टोललाई घेरावन्दी गरेको छ । प्रहरीले ७ राउण्ड हवाई फायर गरेको थियो वडा अध्यक्ष महेन्द्र यादवले बताए ।