- गुल्मी ,फागुन ११ गते मंगलवार ।।
- जनप्रभाव न्यूज
आफ्नै ससुराको हत्या आरोपमा पक्राउ परेकी बुहारीलाई प्रहरीले सोमबार सार्वजनिक गरेको छ । ससुराको हत्या आरोपमा पक्राउ परेकी रुरुक्षेत्र गाउँपालिका–३ की ४२ वर्षीया मनकला ज्ञवालीलाई प्रहरीले पत्रकार सम्मेलनमार्फत सार्वजनिक गरेको हो ।
फागुन ८ गते ८७ वर्षीय नन्दकुमार ज्ञवाली ओछ्यानमै मृत अवस्थामा फेला परेका थिए ।घटना रहस्यमय देखिएपछि फागुन ९ गते उनकी बुहारी मनकलालाई पक्राउ गरी अनुसन्धान अघि बढाएको गुल्मीका प्रहरी उपरीक्षक (एसपी) प्रविणलाल श्रेष्ठले जानकारी दिए ।
सोही दिन राति करिब ९ः४५ बजेको समयमा नन्दकुमारको हत्या भएको हुनसक्ने प्रहरीले अनुमान गरेको छ । हत्या गर्नुको कारण भने प्रहरीले खुलाएको छैन् । उनलाई अदालतबाट म्याद थप गरी घटनाबारे थप अनुसन्धान थालिएको श्रेष्ठले बताए ।
